web counter
LEXO PA REKLAMA!

SHKARKO APP

App Store
Google Play

E fundit!

x

Humbja e PD/ Arben Imami: Ishte vendosur që në maj dhe korrik të 2017-ës

3 Maj 2021, 20:11, Politikë CNA

Ish-deputeti i Partisë Demokratike Arben Imami, ka komentuar humbjen e thellë të Partisë Demokratike në zgjedhjet parlamentare.

Imami tha se humbja e opozitës së Lulzim Bashës ishte e vendosur që në maj dhe korrik të vitit 2017.

?Nëse do ta analizojmë, nuk ka asgjë të re, asgjë të papritur. Zgjedhjet e 2021 janë vendosur në maj të 2017-ës dhe në korrik të 2017-ës. Në moment që Basha mori përsipër pastrimin e partisë, shkeljen e statutit, çdo rregulli të brendshëm demokratik të një partie dhe nuk u ndëshkua për këtë, në momentin kur pas kësaj Basha humbi zgjedhjet në mënyrë klamoroze, të turpshme dhe me një fushatë që nuk kishte fare lidhje me PD-në. Ishte në fakt një fushatë pro Edi Ramës dhe kundër Ilir Metës, partia sërish nuk reagoi të kërkonte dorëheqjen e tij që do të ishte krejt normale. Për më tepër, filloi një proces që ishte i pavlerë ngrirje-shkrirje dhe partia zgjodhi të njejtin kryetar?, u shpreh ai në MCN Tv.

Ish-deputeti pretendon se duke bërë një krahasim me zgjedhjet e 2017-ës, edhe në këto zgjedhje kemi parë gjëra të përsëritura.

Imami deklaroi se pavarësisht se në media u shit sikur listat u hartuan nga Komisioni i
Vlerësimit të Kandiatëve, sipas tij në fund fare listën e ka bërë personalisht dhe individualisht kryetari i partisë pa u mbledhur asnjë institucion./ CNA.al





Lajmet e fundit nga