web counter
LEXO PA REKLAMA!

SHKARKO APP

App Store
Google Play

Proceduarat për shkarkimin e Metës/ Hyseni: Nuk ka kohë për të humbur

3 Maj 2021, 18:05, Politikë CNA

Deputeti i Partisë Socialiste Alket Hyseni ka folur rreth kërkesës e firmosur nga deputetët e mazhorancës për shkarkimin e Presidentit të Republikës, Ilir Meta. Ai është shprehur se nuk ka kohë për të humbur duke parë sjelljet që kreu i shtetit ka bërë gjatë fushatës.

?Nxitimi ka lidhje me ato që ne kemi dëgjuara para zgjedhjeve dhe gjatë zgjedhjeve, ku parimi i Talionit, parim që është dashur mijëra vjet për ta lënë prapa u risoll nga Presidenti jonë si një parim që  mund të zbatohet nga njerëzit. Pra nuk ka kohë për të vonuar këtë institucion dhe nuk mjaftohemi më me keqardhjen në panelet dhe debatet. Shumë gazetarë para apo pas kamerave thonë se ?është çmendur Presidenti? dhe në këto kushte ne nuk mund të presim më. Të ndërhyjmë me ato që procedura na lejon dhe fatmirësisht jemi në kohë, se mund të ishim edhe në një kohë më të shkurtër që s?do të mundeshim.?,  u shpreh Hyseni.

Në një intervistë për Frontline, ai shprehet se nuk ka pasur një imponim nga PS për të firmosur këtë kërkesë dhe sipas tij, veprimet e Metës janë në kundërshtim me Kushtetutën.

?Socialistët kanë më shumë tepër deputetë sesa kanë firmosur në atë kërkesë, por unë totalisht në zbatim të bindjes time kam shprehur mospajtimin tim me qëndrimin e Presidentit jo në pikëpamjen politike, por në kompetencat e tij. Kjo nuk është një gjë që na bën të lumtur, po të ishte në dorën tonë do kishim zgjedhur të mos e bënim këtë kërkesë. Veprimet e Presidentit janë në kundërshtim me Kushtetutën.?, përfundoi ai. /CNA.al





Lajmet e fundit nga