web counter
LEXO PA REKLAMA!

SHKARKO APP

App Store
Google Play

“Borxhli i jam vetëm votuesve”/ Naço: Nëse lidershipi i LSI do të më kishte ftuar do vazhdoja të kontribuoja

3 Maj 2021, 17:18, Politikë CNA

Ish-ministri i Drejtësisë, Nasip Naço  u shpreh se kishte vendosur të hiqte dorë nga politika pas largimit nga LSI-ja, por kërkesa nga disa ish-mbështetës të kësaj partie, ka bërë që t’i përgjigjej pozitivisht ftesës së kryeministrit Edi Rama në dhjetor të vitit të shkuar.

“Unë i jam përgjigjur Ramës në dhjetor. Unë kam dashur të largohesha nga politika. Pas kësaj kërkese të zotit Rama dhe disa mbështetësve të LSI vendosa ta pranoj. Me anë të taktikës që ndoqëm arritëm të merrnim dhe mandatin e pestë në Berat.?, u shpreh ai.

Më tej, ai tha në një intervistë për FaxNews se nuk i detyrohej LSI-së duke shtuar se me dorëzimin e mandatit në vitin 2019 kishte mbyllur hesapet me ish-partinë e tij.

?Në vitin 2017, ia arritëm të merrnim dy mandate dhe lamë PD forcë të tretë, aty kisha dhe unë kontributin tim. Jam shumë i qetë me lidershipin dhe nuk jam i qetë me elektoratin që më kanë besuar. Kam deklaruar se unë kam marrë mandatin nga Ilir Meta në Skrapar dhe unë ia dorëzoj vetëm atij. Ai nuk ka qenë në Shqipëri. Vendimi duhej i shpejtë. Në momentin që kam dorëzuar mandatin unë jam zero, zero me ta. Ndërsa atyre që më kanë votuar i jam borxhli. Para se të largoheshim nga parlamenti ne kishim gati 19 deputetë. Dorëzimi i mandateve ishte gabim, siç ishte dhe dorëzimi i bashkive.?, shtoi Naço.

Ish-Ministri i Drejtësisë deklaroi nëse lidershipi i LSI do e kishte ftuar qoftë edhe për një kafe, atëherë ai do të vazhdonte të kontribuonte për ish-partinë e tij. Ai shprehet se lidershipi e largoi tinzarisht, duke thënë se nuk ka nevojë për vlerat e tij, prandaj dhe ai u zhgënjye shumë.

?Jua them sinqerisht nëse lidershipi i LSI do të më kishte ftuar qoftë dhe për një kafe do vazhdoja të kontriboja duke i mbështetur në skalonin e dytë dhe të tretë. Jo nuk do kandidoja. Por mënyra tinëzare e të larguarit për të thënë që ne ju largojmë se s?keni vlera.?, përfundoi ai./CNA.al





Lajmet e fundit nga