web counter
LEXO PA REKLAMA!

SHKARKO APP

App Store
Google Play

‘Defender 2021'/ Peleshi pret Komandantin e Ushtrisë Amerikane në Europë dhe Afrikë

3 Maj 2021, 16:12, Politikë CNA

Ministri i Mbrojtjes Niko Peleshi ka pritur në një takim Komandantin e Ushtrisë Amerikane në Europë dhe Afrikë, Gjeneral Christopher Cavoli, në kuadër të stërvitjes ?Defender Europe 21?

Ministri Peleshi u shpreh besimplotë se kjo stërvitje do të shërbejë si gur themeli për çuarjen përpara dhe intensifikimin e stërvitjeve dypalëshe, Shqipëri-SHBA. Ai falënderoi Gjeneral Cavolin për mbështetjen e pakursyer që SHBA-të kanë dhënë dhe vijojnë të japin për modernizimin e Forcave të Armatosura të RSH-së, me qëllim rritjen e nivelit të tyre të gatishmërisë, operacionalitetit dhe ndërveprueshmërisë, për të qenë në lartësinë e sfidave të sigurisë dhe mbrojtjes të kohës në të cilën jetojmë.

Cavoli falënderoi masat e marra nga vendi ynë, si vend pritës, për zhvillimin dhe arritjen e objektivave të stërvitjes Defender Europe ?21. Ai siguroi Ministrin Peleshi se Komanda e Ushtrisë Amerikane në Europë, do të vijojë të planizojë dhe zhvillojë stërvitje të përbashkëta me FA, si dhe do të mbështesë në vijimësi procesin e modernizimit të tyre.

Të dy ndanë të njëjtin qëndrim mbi angazhimet e shkëlqyera të Shqipërisë në misionet dhe operacionet e Aleancës, por dhe mbi zhvillimet dhe sfidat e sigurisë në rajonin e Ballkanit Perëndimor, ku Shqipëria luan një rol qëndror në reduktimin e influencave dhe përpjekjeve destabilizuese të aktorëve te huaj në rajon./CNA.al





Lajmet e fundit nga