web counter
LEXO PA REKLAMA!

SHKARKO APP

App Store
Google Play

“Kemi të gjitha provat e nevojshme”/ Balla: 50 deputetë kanë firmosur për shkarkimin e Metës

3 Maj 2021, 09:31, Politikë CNA

Sekretari i Përgjithshëm i PS Taulant Balla, ka bërë me dije se një grup prej 50 deputetësh kanë firmosur propozimin e depozituar në Kuvend për shkarkimin e Presidentit të Republikës Ilir Meta.

Sipas Ballës, janë të gjitha provat e nevojshme, për të iniciuar shkarkimin e Presidentit të Republikës.

?Prej ditës së premte është institucionalizuar kërkesën e 50 deputetëve të Kuvendit, të cilët kanë depozituar kërkesën për shkarkimin e Presidentit të Republikës. Se presidenti, para dhe gjatë fushatës ka kryer veprime që bien ndesh me Kushtetutën e vendit. Duke u nisur dhe nga një rezolutë e mëparshme që i kërkonte Presidentit të rikthehet në binarët e përcaktuara nga Kushtetuta, gjë që nuk ka ndodhur.

Presidenti ka vazhduar të kryejë veprime që bien ndesh me fymën e ligjit dhe Kushtetutës. Kuvendi do të shprehet në ditët në vijim. Kërkesa në aspektin formal plotëson të gjitha kushtet. Kjo kërkesë do ti kalojë dhe Komisionit të Ligjeve, i cili do të shprehet nëse kërkesa i plotëson kriteret ligjore dhe formale. Më pas do të ngrihet komisioni hetimor parlamentar që do të vlerësojë nëse qëndrojnë gjetjet apo jo.

Janë të gjitha provat e nevojshme, të cilat argumentojnë qëndrimin tonë dhe të gjitha provat e nevojshme për të iniciuar shkarkimin e Presidentit të Republikës?, u shpreh Balla./CNA.al





Lajmet e fundit nga