Ëndrrat e Bashës me Kryeministër/ Kreu i PD, i zhdukur që prej një jave

3 Maj 2021, 07:30, Politikë CNA

Para zgjedhjeve parlamentare Lulzim Basha deklarohej fitues. Sipas tij, Opozita kishte matje të qarta në terren që e nxirrnin atë favorit kundrejt Kryeministrit Edi Rama.

Kështu deklarohej Basha në fillim të këtij viti, në emisionin Opinion të Blendi Fevziut, ndërsa konfirmonte kandidaturën e tij për Kryeministër.

?Pa diskutim që kandidati jam unë. Ky është një vendim i shpallur tashmë, një vendim i cili vjen jo thjeshtë e vetëm si vendim politik i koalicionit tonë, por vjen edhe si një shprehje e vullnetit të qytetarëve.

Ne kemi tashmë prej më shumë se 8 muajsh matje të qarta në terren që tregojnë jo thjeshtë në kuadrin e koalicionit, por edhe në përballjen me kryeministrin në ikje, që ka një preferencë të qartë, që unë, në detyrën time sot, si kryetar i partisë më të madhe të opozitës dhe nesër si kryeministër, të marr përsipër barrën e qeverisjes së vendit?, deklaronte Basha në Opinion.

Ai fliste në emër të vullnetit të qytetarëve, ndërkohë që qytetarët ia dhanë përgjigjen me 25 Prill, jo se është perfekte Qeverisja e Edi Ramës, por se nuk e duan Lulzim Bashën Kryeministër.

Nuk ia besojnë një pozicion të tillë, një njeriu që bëhet objekt humori sa herë që hap gojën.

?Kalliri plot e mban kokën ulur?, thotë populli. Por Basha si përket këtij versioni, ai i qëndron versionit ?Kalliri bosh me kokën përpjetë?.

Ndaj gënjen sa herë del, mashtron dhe humbjet i kosnideron fitore, duke shokuar të madh e të vogël.

Në emisionin Opinion ai deklarohej me superlativa për veten, se do të ishte drejtuesi i parë i Qeverisë, i cili nuk është rritur dhe arsimuar në komunizëm, por në perëndim.

?Unë të garantoj diçka, nuk do keni vetëm Kryeministrin e parë që nuk është rritur dhe arsimuar në komunizëm dhe ka formim perëndimor në gjithë kuptimin e saj, por do të ketë edhe një kabinet që do të ketë standardin më të lartë të integritetit, përgatitjes dhe përvojës?, deklarohej Basha.

Por, ëndërrat me Kryeministër, iu thyen me 25 Prill, pasi qytetarët zgjodhën ta linin në Opozitë.

PD me gjithë aleatë arrit të merrte vetëm 59 mandate dhe sëbashku me LSI shkon deri në 61 mandate.

Por, Basha kur kanë kaluar një javë nga zgjedhjet, nuk ka marrë përgjegjësinë për humbjen dhe të largohej edhe pse si humbës, por të paktën me dinjitet.

Që nga 27 Prilli, është zhdukur nuk ka dalë më në media, është fshehur dhe përgjumur në ëndrrën për Kryeministër./CNA.al