web counter
LEXO PA REKLAMA!

SHKARKO APP

App Store
Google Play

Basha vendos të mos njohë zgjedhjet/ Fuga i drejton pesë pyetje

3 Maj 2021, 19:46, Politikë CNA

Kreu i Partisë Demokratike, Lulzim Basha gjatë një takimi me 71 drejtuesit e degëve të partisë në rrethe, ka deklaruar se PD nuk do t?i njohë zgjedhjet parlamentare dhe kërkoi që javën e ardhshme të fillojnë turet nëpër Shqipëri, për të mbledhur prova për manipulimet.

Për këtë ka reaguar edhe akadermiku Artan Fuga, i cili ka renditur disa pyetje që thotë se duhet t?ja bëjnë gazetarët Bashës.

Ai kërkon të dijë nëse Basha ka marrë mendimet e deputetëve dhe demokratëve për këtë vendim, ndërsa pyet se çfarë do ndodhë me vendin.

?Interesante deklarata e zotit Lulzim Basha sot me kryetarët e rretheve!

Pesë pyetje lindin që mediat dhe gazetarët duhet të bëjnë për të na sqaruar ne të tjerëve :

1. Po atje ku i ka fituar mandatet a i njeh zgjedhjet? Apo nuk njeh vetëm atje ku nuk ka fituar?

2. Të mos njohësh zgjedhjet, logjikisht, me logjikën më elementare, nuk do të shkosh në Kuvend. A do të digjen pra mandatet, a do të hyjmë përsëri atje ku ishim?

3. Po deputetët çfarë thonë? A janë pyetur? Po partitë e tjera opozitare? Se partia nuk i njeh, por ligja njeh deputetin jo partinë.

4. A nuk do të kishte qenë më mirë që me këto kushte që diheshin, të mos kishte hyrë në ato zgjedhje, dhe jo të hynte dhe të deklaronte mosnjohjen pas rezultatit?

5. Kur nuk i njeh, a propozon zgjedhje të reja, apo çfarë? Se ne si qytetarë duam të dimë çfarë do bëhet. Cfarë do të bëjë opozita??, shkruan Fuga./ CNA.al





Lajmet e fundit nga