web counter
LEXO PA REKLAMA!

SHKARKO APP

App Store
Google Play

Ylli Manjani: Dallimin do ta bëjë LSI, nuk është për t’u nënvlerësuar

19 Prill 2021, 19:05, Politikë CNA

Ish-ministri i Drejtësisë, Ylli Manjani duke komentuar gjetjet e sondazhit të MRB dhe Euronews Albania thotë se LSI-ja e ka dëmtuar PS-në në dy palë zgjedhje, konkretisht në vitin 2005 dhe në vitin 2009.

?LSI e ka dëmtuar PS dy herë dhe kjo ka ndodhur në vitin 2005 dhe 2009 dhe në të gjitha zgjedhjet e tjera rritja e LSI nuk ka përkuar me dëmtimin ndaj PS. Pra, në këto dy palë zgjedhje, ishin zgjedhje deçizive, ku përçarja e të majtës solli në pushtet të djathtën dhe ishte efekt i dukshëm i LSI. Herë të tjera ka qenë rritje në kurriz të PD?, tha ai.

Ai theksoi se nëse LSI-ja do të kthehet tek modeli i kaluar me shumë gjasë do të dëmtojë PS-në.

Sipas tij, për aq kohë sa sondazhi i nxjerrë dy partitë e mëdha në garë të ngushtë mes tyre, LSI-ja do jetë forca që do të bëjë dallimin më 25 prill.

?Nëse po flasim se LSI do kthehet  tek 2005 ose 2009, unë mendoj se do bëjë të njëjtin dëm. Ky sondazh nxjerrë forcat e mëdha thuajse kokë më kokë, dallimin I bie se do ta bëjë LSI. Nuk është për tu nënvlerësuar në këtë këndvështrim. Sido që të jetë, unë them se LSI e ka një efekt?, tha ai./ Euronews Albania





Lajmet e fundit nga