web counter
LEXO PA REKLAMA!

SHKARKO APP

App Store
Google Play

Eni Zake thumbon PD-në/ “Politikanët grumbullimet po i kthejnë në vatër infektimi”

19 Prill 2021, 17:30, Politikë CNA

Kandidatja për deputete në qarkun e Korçës Eni Zake ka folur mbi klimën politike gjatë kësaj periudhe fushate. Zake u shpreh se disa politikanë grumbullimet e tyre po i shëndrojnë në një vatër infektimi duke shkelur të gjitha masat anti covid.

Në një intervistë për CNA.al kandidatja e Partisë Socialiste shtoi se në vend të shpalosin programin e tyre elektoral po mbjellin nota urrejtje dhe përçarje.

?Banorët e Korçës kanë vlerën e tyre më te mirë qytetarinë, që në fakt nuk ka rëndësi kohë fushate apo jo sepse udhëhiqen nga vlerat në çdo moment. Dashuria për Korçën, njerëzit e saj dhe gjithë Shqipërisë është ajo që do të prevalojë pas 25 Prillit. Jemi në garë për Shqipërinë e së Ardhmes, për Shqipërinë që nuk ndalet dhe për të bërë më të mirën.

Nuk ka nevojë të flasim për klimën politike, por për jetën e çdo njeriu. Për atë sesi disa janë  duke shkelur të gjitha masat e sigurisë kundër  virusit duke shndërruar në vatra  infeksioni grumbullimet e   tyre.  Në vend të shpalosjes së programit elektoral (nëse e kanë një të tillë) po mbjellin nota urrejtjeje dhe përcarjeje në Korçë. Por Korça mbetet qyteti i dashurisë që nuk le vend as për urrejtje e as për përcarje?, u shpreh Zake.

Gjithashtu kandidatja e PS-së bëri thirrje për të gjithë qytetarët që të shohin përtej 25 Prillit. Sipas saj, vota e gjithëkujt nga ne ka vlerë dhe vendos për të ardhmen.

?Shihni përtej 25 prillit, shihni alternativat dhe mundësitë që keni dhe kuptoni që vota e gjithësecilit ka vlerë sepse vendos për të ardhmen. 

Me besim votoni nr.12, Partinë Socialiste si të vetmen forcë politike që di të sjellë prosperitet dhe zhvillim me punë të palodhur duke realizuar projekte ambicioze dhe vizionare që krijojnë mundësi te reja dhe vende pune për të gjitha grupmoshat?, u shpreh Zake në një intervistë për CNA.al. 





Lajmet e fundit nga