“Meta është i shkujdesur, agresiv, i tensionuar”/ Qefalia tregon arsyen e “çmendurisë” së presidentit

19 Prill 2021, 18:39, Politikë CNA

Deputeti i Partisë Socialiste Xhemal Qefalia, i cili renditet i 14-i në qarkun e Tiranës ka komentuar sjelljet antikushtetuese të Ilir Metës dhe sulmet e vazhdueshme që ai hedh në drejtim të mazhorancës.

Në një intervistë për CNA.al, Qefalia thekson se Meta është i acaruar nga humbja e partisë së tij në zgjedhjet e 25 prillit, ndërsa iu përgjigj edhe akuzave të presideniti duke thënë se database me të dhënat personane ka ekzistuar që në vitin 2013 dhe nuk ka asnjë problem për nxjerrjen e të dhënave.

?Presidenti sa më shumë afrohen orët e datës 25 prill aq më shumë i acaruar dhe i agravuar duket situata e tij. Ai ka kohë që e ka shfaqur këtë padurim të madh të fitores së PS dhe kjo e bën që ai të jetë shumë agresiv.

PS ka në dëshirën e saj detyrën për të sqaruar qytetarët, për t?i bindur pse jo edhe ata që janë zhgënjyer, të pakënaqur. Ka pasur një databaze të PS që nga viti 2013 dhe nuk përbën aspak nxjerrje të të dhënave dhe aq më shumë që këto të dhëna të ndikojnë në zgjedhjet e datës 25. Unë mendoj më shumë se më shumë se meraku i qytetarëve, presidenti ka merakun të justifikojë humbjen në zgjedhjet e 25 prillit?, tha Qefalia.

Deputeti i PS i pyetur nëse Meta po përgatitet për konflikt në datën 25 prill u përgjigj se ai nuk mund të marrë peng vendin.

Sipas Qefaliajt, është bërë një kohë e gjatë që Metën po e shohim të shkujdesur, të tensionuar dhe agresiv, por uron të qetësohet pas zgjedhjeve, kur të marrë vesh fitoren e PS.

?Zgjedhjet nuk mund t?i marrë peng një individ i tillë që mban edhe postin e presidentit. Apeli që do t?i bëja unë si deputet dhe si kandidat për deputet është që ai duhet të mbajë kostumin e presidentit të ushtrojë kompetencat e tij të paktën në këto momente dhe t?i lërë qytetarët e thjeshtë që të votojnë në 25 prill dhe të pranojë rezultatin, cilido qoftë ai.

Qytetarë nuk janë njerëz që komandohen nga presidenti. Këto kohë e kemi parë të tensionuar, agresiv, të shkujdesur gjë për të cilën unë mendoj që në datën 25 presidenti do qetësohet kur të mësojë që furia e votave për PS është e padiskutueshme?, tha Qefalia për CNA.al.

Në përfundim, kandidati i PS u bëri thirrje qytetarëtve që të votojnë PS dhe numrin 12, pasi sipas tij është e vetmja forcë politike që meriton të jetë në qeveri për shkak të punëve të mira që ka bërë në kohë të vështira.

?Qytetarët duhet të votojnë numrin 12 PS dhe për faktin se me PS janë kryer shumë punë, investime dhe kemi shumë punë për të bërë. Ju po e shikoni që angazhimi për qytetarët vazhdon përditë, ndërkohë që në të njëjtën kohë përditë po ndërtohen shtëpitë e të prekurve nga tërmeti.

Nuk kemi kohë për të humbur dhe qytetarët na kanë kuptuar që njerëzit e punës janë të PS, ndërsa njerëzit që sjellin në vëmendje ?97 me xhirim goma makinash, me borie pa u ulur dhe biseduar janë njerëzit të cilët do ngelen të zhgënjyer në 25 prill. Unë u bëj thirrje qytetarëve që tu drejtohen kutive të votimit dhe ta presin me qetësi rezultatin, sepse është në interes të Shqipërisë dhe të partivë politike dhe të kuptojnë në humbësi që do jetë PD t?i japë dorën fituesit që është PS?, tha Qefalia për CNA.al.