E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Nga synimet e PS tek lajthitja e Metës/ Xhemal Qefalia: Presidenti është agresiv sepse do humbasë

19 Prill 2021, 18:57, Politikë CNA

Xhemal Qefalia, i cili renditet i 14-i në listën e Tiranës ka komentuar fushatën elektorale dhe takimet e ndryshme që kanë zhvilluar me qytetarët.

Në një intervistë për CNA.al Qefalia u shpreh se pavarësisht kushteve që ndodhet Shqipëria dhe jo vetëm, takimet nga afër kanë qenë të shpeshta, ku kanë dëgjuar problemet dhe shqetësimet e banorëve.

Ai gjithashtu ka komentuar sjelljet antikushtetuese të Ilir Metës dhe sulmet e vazhdueshme që ai hedh në drejtim të mazhorancës.

Qefalia thekson se Meta është i acaruar nga humbja e partisë së tij në zgjedhjet e 25 prillit, ndërsa iu përgjigj edhe akuzave të presideniti duke thënë se database me të dhënat personane ka ekzistuar që në vitin 2013 dhe nuk ka asnjë problem për nxjerrjen e të dhënave.

Zoti Qefalia, ndërsa na ndajnë 6 ditë nga zgjedhjet parlamentare të 25 prillit, partitë politike kanë ndezur zyrtarisht motorët e fushatës zgjedhore. Si ka qenë fushata juaj dhe takimet me qytetarët?

Është një fushatë e qetë, e cila ka specifikën e saj pandeminë por për hir të së vërtetës kjo po na krijon mundësinë për t?i takuar nga afër, për të komunikuar me to për të dëgjuar hallet, problemet dhe kjo tregon angazhimet që kemi marrë ne si mazhorancë.

Sa mandate synon PS në qarkune Tiranë, ku ju jeni edhe kandidat?

PS dhe e gjithë skuadra e Tiranës është e angazhuar për të marrë nga 18-20 mandate dhe kjo është falë punës së mirë që është bërë në të gjitha njësitë e qarkut të Tiranës.

A keni hasur deri tani ndonjë problem sa i takon fenomentit të shit-blerjes së votës?

Për hir të së vërtetës nuk kam hasur asnjë rast të shit blerjes së votës. Nëse do të kishte do ti drejtohesha organeve kompetente, SPAK-ut, për të marrë ndërshkimin e merituar në bazë të ligjeve në fuqi.

Kryefjala e këtyre ditëve ka qenë çështja e patronazhistëve, ku presidenti Ilir Meta ka akuzuar PS për publikimin e të dhënave personale të qytetarëve. A keni një koment për këtë?

Presidenti sa më shumë afrohen orët e datës 25 prill aq më shumë i acaruar dhe i agravuar duket situata e tij. Ai ka kohë që e ka shfaqur këtë padurim të madh të fitores së PS dhe kjo e bën që ai të jetë shumë agresiv.

PS ka në dëshirën e saj detyrën për të sqaruar qytetarët, për t?i bindur pse jo edhe ata që janë zhgënjyer, të pakënaqur. Ka pasur një databaze të PS që nga viti 2013 dhe nuk përbën aspak nxjerrje të të dhënave dhe aq më shumë që këto të dhëna të ndikojnë në zgjedhjet e datës 25. Unë mendoj më shumë se më shumë se meraku i qytetarëve, presidenti ka merakun të justifikojë humbjen në zgjedhjet e 25 prillit.

A po përgatitet Meta për konflikt në datën 25 prill?

Zgjedhjet nuk mund t?i marrë peng një individ i tillë që mban edhe postin e presidentit. Apeli që do t?i bëja unë si deputet dhe si kandidat për deputet është që ai duhet të mbajë kostumin e presidentit të ushtrojë kompetencat e tij të paktën në këto momente dhe t?i lërë qytetarët e thjeshtë që të votojnë në 25 prill dhe të pranojë rezultatin, cilido qoftë ai.

Qytetarë nuk janë njerëz që komandohen nga presidenti. Këto kohë e kemi parë të tensionuar, agresiv, të shkujdesur gjë për të cilën unë mendoj që në datën 25 presidenti do qetësohet kur të mësojë që furia e votave për PS është e padiskutueshme.

A keni një mesazh të fundit për qytetarët?

Qytetarët duhet të votojnë numrin 12 PS dhe për faktin se me PS janë kryer shumë punë, investime dhe kemi shumë punë për të bërë. Ju po e shikoni që angazhimi për qytetarët vazhdon përditë, ndërkohë që në të njëjtën kohë përditë po ndërtohen shtëpitë e të prekurve nga tërmeti.

Nuk kemi kohë për të humbur dhe qytetarët na kanë kuptuar që njerëzit e punës janë të PS, ndërsa njerëzit që sjellin në vëmendje ?97 me xhirim goma makinash, me borie pa u ulur dhe biseduar janë njerëzit të cilët do ngelen të zhgënjyer në 25 prill. Unë u bëj thirrje qytetarëve që tu drejtohen kutive të votimit dhe ta presin me qetësi rezultatin, sepse është në interes të Shqipërisë dhe të partivë politike dhe të kuptojnë në humbësi që do jetë PD t?i japë dorën fituesit që është PS./CNA.al