E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Rama: Patronazhistët janë garancia e fitores sonë

19 Prill 2021, 19:56, Politikë CNA

Kryeministri Edi Rama i ka cilësuar si figurë kyçe të partive të organizuara patronazhistët, ndonëse është kritikuar ashpër për listat e votuesve.

Rama tha se patronazhistët janë garancia e fitores së tyre, ndërsa pretendon se ata punojnë si vullnetarë.

?Patronazhistët janë në punën e tyre. Bëjnë detyrën e tyre, janë garancia e fitores sonë. Patronazhistët janë totalisht vullnetarë. Janë një figurë që është figurë kyçe e partive të organizuara dhe është një figurë e cila, besoj unë, nuk gaboj, ka marrë një rol të posaçëm edhe një, si të thuash, rol tërheqës edhe për shumë parti të tjera duke nisur nga partitë e mëdha amerikane, Partia Republikane dhe Partia Demokrate. Jo, patronazhistët nuk kanë asnjë lidhje me ?duhet të na japësh votën që të të bëjmë legalizimin?, u shpreh kreu i qeverisë në emisionin ?5 pyetje nga Babaramo?.

Më tej, kryeministri mori edhe shembuj ndërkombëtarë, teksa tha se edhe në botë zgjedhjet kanë pasur një vlerë të shtuar kur janë mbështetur te një rrjet patronazhistësh.

?Në SHBA këta quhen kanverser dhe në Francë p.sh., dihet botërisht që fushata e Fransua Holondit (François Hollande) pati një vlerë të shtuar pikërisht sepse u mbështet te një rrjet i jashtëzakonshëm patronazhistësh dhe patronazhistësh nuk vënë kushte. Patronazhistët në komunikimin me qytetarët derë më derë, marrin perceptime. Pra, nëse konstatojnë që një qytetar ka një shqetësim, ka një hall, thotë p.sh., për rastin konkret: ?Jam i dyzuar sepse kam kaq kohë që pres legalizimin? etj., etj., ata patjetër që shënojnë dhe të gjitha këto shqetësime dhe halle u përcillen deputetëve të zonave. Deputetët e zonave ua përcjellin institucioneve. Patronazhistët tanë nuk janë tanimë thjesht persona që angazhohhen në muajin zgjedhor. Patronazhistët tanë janë vullnetarë të PS-së që janë të angazhuar gjatë të gjitha viteve, gjatë të gjithë muajve, gjatë të gjithë kohës“, theksoi Rama./ CNA.al