web counter
LEXO PA REKLAMA!

SHKARKO APP

App Store
Google Play

Gazetari i kujton “darkën e ngjalave”/ Rama nxehet me Babaramon: Jam qenie e veçantë…

19 Prill 2021, 20:24, Politikë CNA

Gazetari ilir Babaramo i ka kujtuar mbrëmjen e sotme kryeministrit Edi Rama ?darkën e ngjalave?, ku kreu i qeverisë firmosi marrëveshje me presidentin Ilir Meta, asokohet kryetar i LSI-së.

Babaramo pyeti kryeministrin se përse nuk i ka kërkuar falje Metës ?në darkën e ngjalave?, ndërsa Rama iu përgjigj me tone të ashpra.

Kreu i qeverisë e cilësoi veten si qenie të veçantë, ndërsa thumboi presidentin, teksa deklaroi në emisionin “5 pyetje nga Babaramo” se nuk është në kategorinë e njerëzve që shikojnë interesin dhe lekët.

“Unë nuk jam çdo qenie, Babaramo. Unë jam një qenie e veçantë. Dhe prandaj në shumë gjëra unë të mirëkuptoj ty dhe qeniet e tjera, që nuk arrini dot të mendoni që si mund të jetë një qenie ndryshe, por unë jam një qenie e veçantë, Babaramo. Unë i përkas një kategorie qeniesh të veçanta, të cilat kur janë marrë me politikë, janë marrë me politikë për disa motive që nuk janë motivet e politikanëve të zakonshëm. Dhe pikërisht janë këto qenie të veçanta që e kanë çuar përpara shoqërinë.

Janë këto qenie të veçanta që kanë vënë gurë kilometrikë edhe në historinë tonë, qofshin si njerëz publikë, politikanë, artistë, shkrimtarë, intelektualë. Kështu që nuk jam i vetëm. Ka pasur Shqipëria dhe ka edhe këtë kategori. Ka shumë qenie të kësaj kategorie që janë njerëz të panjohur, që çohen në 4 të mëngjesit Babaramo dhe shkojnë punojnë tokën edhe nuk dorëzohen kurrë, që i lënë fëmijët në gjumë dhe i lënë në gjumë. Ka shumë Shqipëria nga këta. Kështu që unë i përkas kësaj kategorie. Unë nuk i përkas kategorisë së qenieve që çdo gjë e shikojnë interes, që çdo gjë e shikojnë lekë, që çdo gjë e shikojnë të lidhur me zorrën dhe jo me zemrën“, tha Rama./ CNA.al





Lajmet e fundit nga