web counter
LEXO PA REKLAMA!

SHKARKO APP

App Store
Google Play

Tedi Blushi paralajmëron Ramën dhe Gjiknurin/ “E dini shumë mirë vendin ku do përfundoni, ora po afron”

11 Prill 2021, 18:08, Politikë CNA

Dy ditë më parë, drejtuesi politik i PS për qarkun e Vlorës, Damian Gjiknuri, iu përgjigj deklaratave të njëpasnjëshme të presidentit Ilir Meta dhe tha se kur të jetë si qytetar i lirë do të shkojë të hajë një drekë te Kuzum Baba me Metën, te miku i tij Çim Selami.

Pas tij erdhi edhe reagimi i Metës, i cili ironizoi Gjiknurin dhe deklaroi se kryeministri Edi Rama ka një kartelë psikiatrie që nga koha e komunizmit dhe paralajmëroi se do e tregojë më 25 prill.

Lidhur me këto deklarata, ka bërë një status në rrjetet sociale pak minuta më parë zëdhënësi i presidentit, Tedi Blushi.

Ai ka dhënë një mesazh të fortë për Ramën, Gjiknurin dhe Çim Selamin, teksa thekson se ora e gjykimit të tyre po afron.

?I sëmuri i Surrelit, që tmerrohet nga afrimi i 25 Prillit e ka bërë gati edhe dhomën ku do të shtrohet më 26 Prill, në kërkim të rrethanave lehtësuese për vjedhjet kriminale, që u ka bërë shqiptarëve.

Në mungesë të kartelës mjekësore, Damjan Qameti, por dhe Çimkat e tjerë, e dinë shumë mirë vendin ku do të përfundojnë!

Skenari i tjetërsimit të vullnetit të vlonjatëve është zbuluar dhe përvëluar bashkë me Çimkat e Damian Qametit.

Ora e gjykimit popullor po afron!

Përballjes me Presidentin Meta nuk i shmangeni dot!

Së shpejti do takohemi te Sheshi i Flamurit!

Presidenti Meta, si përherë, në krye të mbrojtjes së zgjedhjeve dhe rendit kushtetues! Vlora do t’ja bëjë fora!?, shkruan Blushi, ndërkohë që këtë status e ka shoqëruar me foton e spitalit psikiatrik të Vlorës./ CNA.al





Lajmet e fundit nga