web counter
LEXO PA REKLAMA!

SHKARKO APP

App Store
Google Play

E fundit!

x

"Bujqësia 8 vite në kolaps"/ Myrtollari: Mungesa e tregut detyron të hedhin poshtë punën

11 Prill 2021, 13:48, Politikë CNA

Kandidatja për deputete e Partisë Demokratike në qarkun e Korçës Soela Myrtollari ka vizituar nga afër Bulgarecin me një nga prodhuesit e patateve.

Ne një postim në rrjetet sociale Myrtollari shtron problem mungesën e tregut i cili i detyron të groposin 9 kuintal patate duke çuar dëm mundin e tyre.

?E nisa ditën sot në Bulgarec, me një nga prodhuesit e Patateve! Prej 8 vitesh në kolaps total, u njoha nga afër me problemet dhe vështirësitë që përballet çdo ditë Bujqësia. Zero subvencione në infrastrukturë, zero subvencione për prodhim dhe naftë dhe asnjë ndihmë për të futur në treg prodhuesit vendas. Asnjë ndihmë për një prodhues që ka 12 të punësuar të përhershëm dhe dhjetra të tjerë gjatë sezonit të prodhimit dhe mbledhjes së produktit. 

Mungesa e tregut i detyron çdo vit të groposin rreth 9 kuintal patate duke çuar dëm gjithë mundin, kohën dhe investimin e një viti. Sikur të mos mjaftojë kjo, prodhuesit gjobiten për groposjen dhe hedhjen e prodhimit?, ka shkruar Myrtollari.

Ajo fton të gjithë që në 25 Prill të votojë Partinë Demokratike për të nxjerrë nga kolapsi sistemin bujqësor.

?Në 25 prill, të votojmë Partinë Demokratike për të nxjerrë nga kolapsi sistemin bujqësor. Bujqësia është një nga prioritet tona dhe të Z. Lulzim Basha si Kryeministër.  Ne do të mbështesim direkt çdo fermer për çdo dynym toke të kultuvuar.

Do të eleminojmë burokracitë si edhe do të subvencionojmë 100 milion euro nga buxheti i shtetit për fermerët dhe 50 milion euro për infrastrukturën. Do të subvencionojmë naftën dhe do krijojmë akses në tregjet e huaja duke ndihmuar prodhuesit vendas të shesin produktet e tyre?, ka shkruar Myrtollari./CNA.al

 

 





Lajmet e fundit nga