web counter
LEXO PA REKLAMA!

SHKARKO APP

App Store
Google Play

'Po përgjojnë të dhënat personale'/ Balla i përgjigjet akuzave të PD: Shpifsa të dëshpëruar!

11 Prill 2021, 16:07, Politikë CNA

Kreu i grupit parlamentarë të Partisë Socialiste, Taulant Balla ka reaguar lidhur me akuzat e PD se në selinë e Rilindjes janë vendosur servera të ciltë përpunojnë të dhënat e qytetarëve shqiptarë nëpërmjet plaformës ?E-Albania? për qëllime elektorale.

Në reagimin e tij Balla, e cilëson një shpifje lajmin e bërë publik, ndërsa deklaratën e PD lidhur me këtë temë i quanë të dëshpëruar.

Ndër të tjera numri 2 i socialisteve thekson se PS ka databazën e saj të të dhënave të krijuar ndër vite.

?O shpifësa të dëshpëruar! Partia Socialiste ka databazën e saj të të dhënave të krijuar me vite të tëra organizimi dhe komunikimi derë më derë me njerëzit. Quhet punë në terren kjo dhe bëhet me kontakte direkte jo me makina e me flamunj, prandaj prisni me qetësi 25 prillin dhe mos kujtoni se sa më shumë makina e zhurmë rrugëve aq më shumë vota në kutinë ku vendoset e ardhmja!?- deklaron Balla.

Kujtojmë se ne reagim nga Partia Demokratike, deputeti Enkelejd Alibeaj, theksoi se ?përdorimi i të dhënave personale të portalit e-Albania nga Edi Rama dhe PS është shkelje flagrante e privatësisë së qytetarëve.

Në mënyrë të paprecedentë, në Selinë e PS janë vendosur kompjutera dhe servera që përgjojnë dhe përdorin të dhënat personale të qytetarëve nga portali e-Albania.”

Sipas Alibeajt ky skandal i paprecendentë cenon rëndë privatësinë e çdo qytetari, që për të marrë shërbime nga shteti përdor portalin e-Albania. Përdorimi i të dhënave personale, numrit të kartës së identitetit, telefonit apo të dhënave të tjera personale nga Edi Rama dhe zyrtarë të PS është i dënueshëm dhe për të mbrojtur të drejtën e qytetarëve.

Ai theksoi Partia Demokratike do ndjekë hap pas hapi në rrugë ligjore këtë çështje, ndërsa po  përgatit një padi që do ta dorëzojë në SPAK./CNA.al





Lajmet e fundit nga