web counter
LEXO PA REKLAMA!

SHKARKO APP

App Store
Google Play

Spaho takon fermerët e Korçës/ “Me programin e PD, ringritja e ekonomisë do jetë e menjëhershme”

11 Prill 2021, 17:39, Politikë CNA

Koordinatori i Partisë Demokratike dhe kandidati për deputet në qarkun e Korçës Edmond Spaho zhvilloi një takim me fermerët në fshatin Orman, ku diskutoi problemet e shumta të fshatit këto tetë vite.

Gjatë takimit banorët thanë se këto vite vetëm kanë hyrë në borxhe të thella për prodhimet bujqësore, për ndërtimin e shtëpive, arsimimin e fëmijëve dhe për të përballuar jetën e përditshme.

” Ne nuk i përballojmë dot më harxhimet që kemi në punimet e tokës dhe në mbajtjen e bagëtive. Prodhimet bujqësore dhe blegtorale kanë mbetur stok, ose shiten me çmime minimale që nuk mbulojnë shpenzimet tona”, u shprehën ndër të tjera disa fermerë.

Sipas tyre, shteti nuk i ka dhënë asnjë subvencion fshatarëve dhe fermerit të vërtetë. Çmimet e karburantit, veglat bujqësore, pesiticidet janë rritur shumëfish këto vite.

Ndërkohë Spaho tha se me programin e PD shumë probleme të bujqësisë do gjejnë zgjidhje pasi lehtësitë e taksave do të jenë të ndjeshme dhe do të nxjerrin bujqësinë nga kriza e thellë..

“Me programin e qeverisë Basha, politikat sociale do të mbështesin familjet në nevojë dhe krijimin e familjeve të reja. Me programin e PD ringritja e bujqësisë dhe ekonomisë në fshat, do të jetë e menjëhershme”./CNA.al





Lajmet e fundit nga