E fundit!

20:09 Politikë

Konferenca ndërqeveritare në Bruksel/ Kos: Mbyllja e tre kapitujve, moment i madh për Shqipërinë

Komisionerja europiane për Zgjerimin, Marta Kos ka përgëzu...

"Lista e Shkodrës është bërë nga Basha"/ Topalli: Do ta përdorë si presion ndaj meje

22 Mars 2021, 18:39, Politikë CNA

Ish-kryeparlamentarja Jozefina Topalli, ka folur mbrëmjen e sotme për listën e kandidatëve për deputetë të Aleancës për Ndryshim të Lulzim Bashën në qarkun e Shkodrës.

Topalli tha se kjo listë është e bërë nga vetë kryetari i opozitës, ndërsa pretendon se ky i fundit do ta përdorë si presion ndaj saj.

“Absolutisht që është lista e kryetarit. Çdo herë ka qenë lista e kryetarit. Herën e parë për ta përdorur për presion kundër Jozefinës, herën e dytë për ta përdorur për presion kundër Jozefinës.

Është listë e kryetarit dhe kjo është një prej fakteve që e bëjnë jodemokratike atë që duhej të ishte Partia Demokratike. Ju e dini se çfarë procesi farsë u zhvillua gjatë vitit të kaluar dhe u përmbys çdo gjë për të shkuar te një listë sipas interesit të familjes së kryetarit“, u shpreh ajo.

Drejtuesja e Lëvizjes për Ndryshim u ndal edhe te largimi i saj nga Partia Demokratike, teksa deklaroi se koha ka treguar se ajo ka pasur të drejtë.

“Dua t?ju tregoj që e kisha të drejtë reagimin apo jo. Procesi më pas tregoi që unë kisha shumë të drejtë dhe kjo është vetëm njëra prej atyre që unë kam kritikuar dhe që koha ka treguar se kam pasur të drejtë.

Unë do të doja shumë që të kisha gabuar në vlerësimet e mia. Për fat të keq, koha tregon se kam pasur të drejtë në qëndrimet e mia, siç kam pasur të drejtë më 1997 kur i kam dalë zot bashkë me demokratët e tjerë dhe kemi ngritur PD-në, siç kam pasur të drejtë më 2013 kur jam ngritur për të nisur dhe për të inicuar dekriminalizimin, për herë të tretë jam nisur fillimisht e vetme, por sot jam e rrethuar me njerëz, për të filluar procesin e demokratizimit dhe të betejës kundër tre kryetarëve që mbajnë peng jetën politike dhe ekonomike dhe janë përgjegjësit kryesorë jo vetëm të polarizimit politik, por edhe të polarizimit ekonomik të vendit tonë“, theksoi Topalli./ CNA.al