web counter
LEXO PA REKLAMA!

SHKARKO APP

App Store
Google Play

E fundit!

x

Regjistrimi i popullsisë/ Meta takon Zëvëndëskryeministrin e Maqedonisë

22 Mars 2021, 15:42, Politikë CNA

Presidenti Ilir Meta takoi sot ZëvëndësKryeministrin e parë të Maqedonisë së Veriut Artan Grubin.
Gjatë takimit Meta u njoh me ecurinë e regjistrimi të popullsisë në Maqedonisë së Veiriut.

Ai u shpreh se përtej aspektit statistikor regjistrimi i popullsisë do të jetë përmbajtësor në avancimin e të drejtave të shqiptarëve në Maqedoninë e Veriut.

Gjithashtu, Presidenti Meta theksoi forcimime bashkëpunimit mes dy vendeve tona për përballimin me sukses të sfidave të pandemisë dhe përpjekjeve për sigurimin e vaksinave anticovid.

Sipas Metës dy vende fqinje si Maqedonia e Veriut dhe Shqipëria me vizione të përbashkëta euroatlantike duhet të forcojnë marrëdhëniet në dobi të stabilitetit , paqes dhe zhvillimit të rajonit.

“Me shumë kënaqësi prita sot në një takim vëllazëror Zëvendëskryeministrin e parë të Maqedonisë së Veriut, z.Artan Grubi dhe delegacionin, që e shoqëronte.

U njoha prej tij me ecurinë e regjistrimit të popullsisë në Maqedoninë e Veriut dhe theksova rëndësinë që ka përfshirja sa më e madhe e diasporës shqiptare në këtë proces.

Përtej aspektit statistikor, regjistrimi i popullsisë do të jetë përmbajtësor në avancimin e të drejtave të shqiptarëve në Maqedoninë e Veriut, ndaj i inkurajoj të gjithë të marrin pjesë në të.

Si dy vende fqinje, aleate në NATO dhe me vizione të përbashkëta euroatlantike, Shqipëria dhe Maqedonia e Veriut do të duhet të forcojnë edhe më shumë marrëdhëniet në dobi të paqes, stabilitetit dhe zhvillimit të rajonit.” tha Meta/CNA.al

 





Lajmet e fundit nga