web counter
LEXO PA REKLAMA!

SHKARKO APP

App Store
Google Play

Artan Lame fushatë me legalizimet/ “Kryqëzon” PD-në

22 Mars 2021, 11:02, Politikë CNA

Kreu i Kadastrës, Artan Lame, ka përdorur institucionin që drejton për fushatë. Ndërsa ka sulmuar Partinë Demokratike ai tha se kanë fituar betejën me legalizimet.

?Do e filloj me legalizimet, duke folur vetëm dy fjalë për to, sepse i konsideroj si një betejë e fituar dhe që nuk janë më kalë beteje për partitë politike nëpër fushata elektorale. E thënë kjo vetëm nga një shifër, kemi 10-fishim të numrit të legalizimeve. Deri në 2013 u mbyll me mbi 21 mijë legalizime, 2020 u mbyll me 210 mijë legalizime?- u shpreh Lame.

Sipas tij Programi i PD-së nuk ka asgjë të re dhe se pretendohet që të rrëzohet dhe anulohet ligji 20/20.

?E pashë me vëmendje programin e PD, ku në një anë pata një kënaqësi të brendshme se pashë që nuk kishin asgjë të re, por nga ana tjetër, për arsye elektorale, pretendohet që të rrëzohet dhe anulohet ligji 20/20. Vetë kryetari Basha e tha hapur këtë gjë në prezantimin për reformën e pronës në PD, që pikë e tyre ishte anulimi i ligjit 20/20.

Për fat të mirë këtë gjë nuk e tha ekspertja që foli pas tij, që është marrë me reformën, sepse e kuptonte ajo që është marrëzi ta thuash këtë gjë. Aty u duk që brenda PD, kryetari me eksperten ishin në përplasje me njëri-tjetrin, në atë që propozonin. PD pretendon që do vazhdojë kthimin fizik të pronave të ish-pronarëve. Kjo është gënjeshtra më e madhe që mund t?iu hidhet shqiptarëve dhe ish-pronarëve. Nuk mund të bëhet kthim fizik më, për arsyen e thjeshtë se Shqipëria është 28 mijë km2 dhe kjo 200 mijë km2?- u shpreh Lame./CNA.al





Lajmet e fundit nga