web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria është e veçantë”! Ambasadorja Kim: Vendet tona do të arrijnë gjëra të mëdha

22 Mars 2021, 08:21, Politikë CNA

Ambasada amerikane ka publikuar mesazhin e ambasadores aktuale, Yuri Kim, për 30-vjetorin e vendosjes së marrëdhënieve diplomatike SHBA-Shqipëri.

Ambasadorja Amerikane Yuri Kim e ka cilësuar si privilegj që të shërbesh si diplomat kudo në botë, ndërkohë që ka shtuar se në Shqipëria është e veçantë.

Në kuadër të rivendosjes së marrëdhënieve diplomatike SHBA-Shqipëria, Kim nënvizon se kur ka mbërritur në vendin tonë ka ndjerë ngrohtësinë e popullit shqiptar dhe lidhjen e thellë që ekziston midis dy vendeve tona.

?Është privilegj të shërbesh si diplomat amerikan kudo në botë ? por më lejoni të them se Shqipëria është e veçantë. Që nga momenti kur mbërrita, kam ndjerë ngrohtësinë e popullit shqiptar dhe lidhjen e thellë që ekziston midis dy vendeve tona. Nuk ka amerikan që viziton Shqipërinë dhe nuk e përjeton atë. Gjatë vitit tim të parë këtu kam pasur mundësinë të udhëtoj përreth vendit tuaj të bukur dhe të përjetoj mikpritjen e famshme të popullit shqiptar. Faleminderit nga thellësia e zemrës! Dy vendet tona kanë shumë për të festuar së bashku. Dhe qoftë për katastrofa natyrore, COVID, apo kërcënime ndaj demokracisë, ne jemi mbështetur tek njëri-tjetri, kemi punuar së bashku për të kapërcyer sfida të panumërta, krah për krah! Kjo është një marrëdhënie që mishëron atë që do të thotë të jesh partnerë, çfarë do të thotë të jesh aleatë, çfarë do të thotë të jesh miq besnikë. Jam e bindur se vendet tona do të arrijnë gjëra të mëdha gjatë 30 viteve të ardhshme dhe se miqësia midis amerikanëve dhe shqiptarëve vetëm do të thellohet?,thotë Ambasadorja Kim./CNA.al





Lajmet e fundit nga