Top Channel “zhduk” skandalin e gjyqtarit/ Hije dyshimi për pazare me Erarbër Madhin

19 Mars 2021, 13:28, Vetingu CNA

Merkato e shit-blerjes së gjyqtarëve është dëmtuar rëndë nga procesi i Vettingut, por nuk është eliminuar.

Dyshohet, se gjyqtari i Gjykatës Administrative të Tiranës Erarbër Madhi është përfshirë në pazare me Top Channel dhe drejtuesit e saj.

Top Channel, duke iu referuar rasteve konkrete, dyshohet se ka ushtruar shantazh publik dhe presion ndaj çdo gjyqtari që qëndron kundër vendimeve që Vjollca Hoxha dhe Ben Blushi duan në favor të tyre.

Tani po shkon beteja deri tek vjehrri apo dhëndurë dhe historitë rozë që duan vendimet e gjykatave në favor.

Kujtojmë këtu rastin e gjyqtarëve Shkëlzen Selimin dhe Artan Zeneli, të cilët janë sulmuar nga Top Channel dhe jo se Top Channel po ?vajtonte? reformën në drejtësi, por se kanë pasur raste në duar të këtyre gjyqtarëve.

Ndërsa me gjyqtarin Erarbër Madhi, dyshohet se është përdorur tjetër metodë.

E denoncuan dhe më pas ia zhdukën denoncimin nga faqja e Top Channel, sëbashku me videon e emisionit ?Fiks Fare?, ku u bë edhe denoncimi.

Nga skandali që u denoncua nga ?Fiks Fare?, sot nuk ka mbetur asnjë gjurmë.

Ajo që iu ka shpëtuar drejtuesve të Top Channel, Vjollca Hoxha dhe Ben Blushi pa ?zhdukur?, rreth këtij skandali, është materiali i publikuar në gazetën, ?Shqip?.

Duket se ju ka shpëtuar për ta asgjësuar çdo material që lidhet me gjyqtarin Erarbër Madhi, ndërkohë që skandali është raportuar edhe nga mediat e tjera, referuar ?Fiks Fare?,

Kujtojmë se me 16 Shkurt 2017, në emisionin ?Fiks Fare?, në Top Channel, u transmetua një denoncim, ku kryefjalë ishte gjyqtari Erarbër Madhi.

Një “i vdekur” kishte arritur që të hapte një proces gjyqësor në Gjykatën e Vlorës.

Skandali ishte konfirmuar nga kancelarja e Gjykatës së Vlorës, e cila pasi ka verifikuar regjistrin, ku depozitohen kërkesëpaditë deklaroi se “paditës për këtë çështje është Vasil Stramarko, i cili kishte ndërruar jetë në Dhjetor të vitit 2007 dhe çështja mbante numrin 3812”.

Kancelarja tregoi kërkesëpadinë, që mban datën 7 dhjetor 2009. Në këtë kërkesëpadi ishte edhe emri i gjyqtarit Erarbër Madhi, i cili e ka marrë kërkesën në datën 8 dhjetor 2009.

Dhe me anë të kësaj kërkesëpadie është hapur procesi civil për pronën në Dhërmi, ndërsa gjyqtari Erarbër Madhi ka marrë edhe një vendim përfundimtar. Në vendimin përfundimtar të gjykatës, paditësi ka ndryshuar dhe ai është Jorgo Stramarko, djali i Vasilit.

Por gjyqtari Erarbër Madhi deri më tani nuk rezulton të ketë dhënë përgjegjësi dhe për më tepër edhe ata që e shfaqën në media si denoncim e kanë zhdukur nga logio e tyre./CNA.al