E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Drejtësia e Kukësit në Vetting/ Nga kryegjyqtari që rrahu avokaten, tek prokurorja e “klanit” të Arta Markut

13 Mars 2021, 09:29, Vetingu CNA

Bëmat dhe skandalet e njerëzve të drejtësisë nuk kanë të mbaruar. Nuk ka një gjykatë dhe prokurori, ku nuk mund të gjesh skandale.
Në Gjykatën e Kukësit është filmuar dhe fotografuar krygjyqtari dukie rrahur një avokate.

Në një video të filmuar nga kamerat e sigurisë, shihej kryegjyqtari Isuf Shehu duke rrahur avokaten Aurora Guska. Gjithcka sipas pamjeve dhe fotove që qarkulluan në media, kishte ndodhur tek hyrja e Gjykatës së Kukësit. I njëjti gjyqtar sot, ndodhet jashtë dyerve të Gjykatës së Kukësit, pasi Komisioni i Pavarur i Kualiufikimit në Nëntor të vitit 2019 e shkarkoi nga detyra.

KPK deklaroi, se ILDKPKI kishte dalë në përfundimin se kreu i Gjykatës së Kukësit kishte kryer deklarim të pasaktë, nuk kishte burime të ligjshme si dhe kishte kryer fshehje pasurie dhe deklarim të rremë lidhur me pronën e vetme të deklaruar-një shtëpi banimi në Kukës me sipërfaqe 299.5 m2.

Gjithashtu KPK konstatoi mospërputhje mes vlerës së deklaruar prej 2.2 milionë lekësh dhe vlerës prej 3.7 milionë lekësh të pasqyruar nga një akt ekspertimi i dorëzuar nga vetë subjekti. Sipas Komisionit, këto vlera ishin disa herë më të vogla se përllogaritjet e ALUIZNI-t në shumën 10 milionë lekë dhe Entit Kombëtar të Banesave në vlerën 9 milionë lekë.

Analiza financiare për ndërtimin e nje vile e nxori gjyqtarin Shehu në pamundësi financiare prej 5.2 milionë lekësh. Përveç problemeve me ndërtimin e vilës, Komisioni gjeti pamundësi financiare për blerjen e një automjeti në vitin 2003 si dhe një automjeti të dytë në vitin 2011.

Të njëjtin fat, ka pasur edhe drejtuesja e Prokurorisë së Kukësit Alketa Nushi që ndryshe njihej si pjesë e ?klanit? të ish Prokurores së Përgjithshme të përkohshme, Arta Marku.

Në një denoncim të mbërritur pranë CNA.al thuhet se prokurorja apo ish prokurorja Alketa Nushi, ka favorizuar vëllain e një tjetër prokuroreje njëherësh kushëririn e Arta Markut. Procesi gjyqësor ka rrjedhur në vitet 2014-2015.

Në Qershor të 2019, Komisioni i Pavarur i Kualifikimit ka marrë vendimin për të shkarkuar nga detyra Alketa Nushin, drejtuese e Prokurorisë në Kukës.

Kjo paso, KPK kishte gjetur parregullsi në dosjen e Nushit në tre kriteret e vetting-ut, atë të deklarimit të pasurisë, pastërtisë së figurës dhe profesionalizimit.

Sa i përket deklarimit të pasurisë, në raportin e ILDKPI-së thuhej se kryeprokurorja e Kukësit kishte burime të ligjshme për pasurinë e saj, por rezultonte se nuk kishte kryer deklarime të sakta.

Ndërkaq Vettingu ka nisur edhe për gjyqtarë dhe prokurorë të tjerë të Kukësit, të cilat do të japin llogari për pasurinë dhe anën profesionale.

Më poshtë po sjellim shkrimet mbi subjektet deklaruesë të Gjykatës dhe Prokurorisë së Kukësit në kuadër të Vettingut.

U denoncua për shkelje të ligjit/ Si e shtoi pasurinë gjyqtari Rexhep Karaj?

Gjyqtarja që u sulmua nga Opozita/ Alma Ahmeti pa shtëpi dhe me kredi

Kryegjyqtari që rrahu avokaten/ Skandali drejt Vettingut

Liroi kushëririn e Arta Markut/ Zbulohet skandali, si u shpërblye Alketa Nushi

Vettingu “rrëzon” Alketa Nushin/ Zbardhet skandali i Arta Markut dhe “bandës” së saj në KLP