E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Drejtësia e Lezhës në Vetting/ Nga shkarkimi i dy prokurorëve-biznesmenë, tek akuzat ndaj kryegjyqtares

6 Mars 2021, 12:18, Vetingu CNA

Vettingu iu ka ?prerë kokat?, dy prokurorëve të Lezhës, ndërsa kryetarja e Gjykatës, arriti të sfidonte denoncimet e mbërritura në drejtim të saj tek Komisioni i Vettingut.

Kujtojmë se prokurori Simon Pashuku u shkarkua nga detyra për ?deklarim të rremë? dhe ?fshehje pasurie?. Pasi nga hetimet rezultuan si problem 40 mijë euro që ishin deklaruar si dhuratë nga të afërmit.

Nga ana tjetër mungonte dokumentacioni për të provuar të ardhurat nga qiraja dhe deklarimi i pasaktë i pronës së lëshuar me qira. Gjithashtu Komisioni i Pavarur i Kualifikimit, ka gjetur të dhënat kontradiktore në lidhje me biznesin e bashkëshortes dhe shpenzimet e kësaj të fundit.

Për fshehje pasurie por edhe për konflikt interesi është shkarkuar nga Komisioni i Vettingut, prokurori Bardhok Lleshi.
Komisioni, gjatë hetimeve kishte konstatuar pamundësi financiare për blerjen e tre ngastrave tokë, për të cilat prokurori Lleshi kishte deklaruar se një e kishte blerë me kursimet e tij nga puna si emigrant në Greqi dhe dy të tjerat të financuara nga i vëllai, prej të ardhurave të siguruara nga puna në Shtetet e Bashkuara të Amerikës dhe në Kanada.

Por, sipas KPK, prokurori Lleshi, nuk ka arritur të provojë të ardhurat e deklarura si të përfituara nga puna në emigracion gjatë periudhës 1991-1997 dhe as transferimin e vlerave të pretenduara.

Ndërsa kryetarja e Gjykatës së Lezhës, Ornela Naqellari është përballur dy herë radhazi me Komisionin e Vettingut. Kjo, pasi u mor vendim për rihapje të hetimeve për shkak të denoncimeve të reja të mbërritura në adresë të saj. Denoncimet ishin për çështje që ajo kishte gjykuar apo kishte në gjykim dhe një denoncim shtesë nga kancelarja e

Gjykatës së Lezhës, e cila po ashtu kishte bërë një sërë denoncimesh edhe në seancën e parë. Naqellari arriti që para Komisionit të Vettingut, të rrëzonte denoncimet e kancelares, e cila e akuzonte se kishte qëndruar në hotele në pronësi të personave me të cilët kishte pasur çështje gjyqësore.

Sipas gjyqtares në një prej rasteve nuk kishte qenë kurrë në ambientin e pretenduar, ndërsa në një tjetër rast, Naqellari ka dërguar prova se hoteli ku kishte kaluar pushimet me të fejuarin, nuk ishte në pronësi të personit me të cilin ajo kishte pasur çështje. Në këto rrethana Naqellari është konfirmuar në detyrë.

Ndërkaq, që kolegët e saj në Lezhë, aktualisht janë nën hetim nga Komisioni i Vettingut dhe pritet të japin llogari përgjatë këtij vitit.

Më poshtë po sjellim shkrimet mbi pasurinë dhe anën profesionale të gjyqtarëve dhe prokurorëve të Lezhës./CNA.al

Hetoi rastin e Kosta Trebickës/ Pasuria e mjegullt e prokurorit

Nga organi i akuzës, këshilltar në KLP/ 38 vjet prokuror me dy apartamente

Nga akuzat për shpërdorim detyre, në zyrat KLP/ Pasuria e prokurorit-këshilltar

Tjetërsimi i pronave në Shëngjin/ Pasuria e gjyqtarit që dënoi ish kryebashkiakun

Me pasuri nga Tropoja në Tiranë/ Gjyqtari që u denoncua për ndërtim të paligjshëm

Prokurori i denoncuar për mitmarrje/ Si e shpëtoi bashkëshortja-gjyqtare nga drejtësia?

Me një pagë për 2 vite, blen 2 banesa/ Prokurori, që Arta Marku e bëri drejtues

I përkohshmi i Arta Markut/ Çudit, prokurori kursen mijëra euro nga paga

Transaksione të dyshimta dhe fshehje të patundshmërisë/ Gjyqtari sfidon prangat

Kallëzim penal ndaj kryegjyqtares/ Mikesha e saj në Komisionin e Vettingut zhduk dosjen?