web counter
LEXO PA REKLAMA!

SHKARKO APP

App Store
Google Play

E fundit!

x

Dështoi për në BKH/ Prokurori i “pazareve” të Arta Markut

11 Mars 2021, 12:51, Vetingu CNA

Prokurori Ylli Pjetërnikaj ishte një nga tetë kandidatët për të drejtuar Byronë Kombëtare të Hetimit.

Ai nuk arriti të përzgjidhej as në katërshe, pasi sipas njoftimit të Strukturës së Posaçme Antikorrupsion, nuk mundi të kalonte të gjitha testet për t?u konsideruar një nga potencialët për të drejtuar BKH-në.

Pjetërnikaj ka shërbyer si prokuror në Kukës dhe më pas është bëre pjesë e prokurorisë pranë Gjykatës së Shkallës së Parë Lezhë, i emëruar në vitin 2014, nga ish Presidenti Bujar Nishani. Në vitin 2018, që prej marrjes së detyrës nga Arta Marku, ai u katapultua si ndihmës ligjor në Prokurorinë e Përgjithshme dhe anëtar i drejtorisë së inspektimit, që bënte vlerësimin e punës së prokurorëve.

Më 7 qershor 2018, Marku urdhëroi caktimin si Drejtues përkohësisht të Prokurorisë së Rrethit Gjyqësor Shkodër, të Ylli Pjetërnikajt.

Pjetërnikaj, u komandua në kundërshtim me ligjin nga ish-kryeprokurorja e përkohshme, Arta Marku.

Kur kishin kaluar vetëm 9 ditë apo dhe më pak nga emërimi i tij në Shkodër, Pjetërnikaj ia ktheu ?nderin? Markut, me një operacion antidrogë.
Të paktën kështu u reklamua në media, sikur Pjetërnikaj kishte qenë në krye të këtij operacioni.

Por, në fakt, CNA.al raportoi bazuar në burime të sigurta, se puna për operacionin antidrogë, ishte zhvilluar kohë më pare, në një kohë, kur Pjetërnikaj nuk kishte qenë fare në Prokurorinë e Shkodrës.
Pas këtij ?manipulimi?, ambicia e Pjetërnikajt nuk ishte vetëm Tirana por edhe BKH.

Kujtojmë se në Janar të vitit 2020, Këshilli i Lartë i Prokurorisë e ka transferuar në Tiranë, por në BKH nuk arriti të depërtonte.
Ndërkohë në Qershor të vitit 2020 Komisioni i Vettingut ka nisur hetimet për prokurorin Pjetërnikaj.

CNA.al sjell edhe pasurinë e tij, sipas të dhënave të depozituara pranë ILDKPKI-së.

Prokurori Pjetërnikaj rezulton se bën disa punë njëherësh, si pedagog, ekspert apo dhënie shërbimi fondacioneve të ndryshme. Sigurisht që bën edhe punën e prokurorit, të paktën pagën e deklaron.
Pasuria e patundshme dhe tundshme që ai deklaron, buron nga trashëgimia.
Më poshtë po sjellim të detajuar pasurinë e deklaruar nga prokurori Ylli Pjetërnikaj.

Viti 2013 (Deklarata fillestare)
Shtëpi banimi në Tropojë, 660 m2, dy kate e trashëguar, me vlerë 25 000 000 lekë.
Tokë arë, 24 dynim e 690 m2 e trashëguar ku zotërion 30%.
Tokë livadh 1000 m2 me vlerë 300 000 lekë.
Makinë Peugeot 307 me vlerë 4 000 euro.
150 krerë dele që kushtojnë 15 500 euro. Trashëgimi, ku zotëron 50%,
50 koshere bletë me vlerë 5 600 euro. Trashëgimi, ku zotëron 25 %.
Gëlqere 50 m2 me vlerë 3 000 000 lekë. Trashëgimi, ku zotëron 25 %.
Cash të krijuara ndër vite, 20 000 000 lekë.
Të ardhura të subjektit deklarues si pedagog në Fakultetin e Drejtësisë, Tiranë, 100 000 lekë.
Të ardhura të subjektit deklarues si drejtor i njësisë së zhvillimit dhe kërkimit shkencor në një universitet privat, 380 000 lekë.
Të ardhura të subjektit deklarues nga botime shkencore, 700 000 lekë.
Të ardhura të subjektit deklarues si pedagog në një Universitet privat në Burrel, 100 000 lekë.
Të ardhura të subjektit deklarues si asistent avokat, 100 000 lekë.
Të ardhura të subjektit deklarues nga Shkolla e Magjistraturës, 100 000 lekë.
Viti 2013 (Deklarata vjetore)
Të ardhura të subjektit deklarues si prokuror në Kukës, 354 000 lekë.

Viti 2014
Të ardhura nga ferma, 1 500 000 lekë.
Të ardhura të subjektit deklarues si prokuror në Lezhë, 1 131 614 lekë.
Të ardhura të subjektit deklarues si pedagog në Fakultetin e Drejtësisë, Tiranë, 230 000 lekë.

Viti 2015
Të ardhura të subjektit deklarues si prokuror në Lezhë, 1 050 295 lekë.
Kredi në shumën 500 000 lekë. Pa shlyer 447 967 86 lekë.

Viti 2016
Të ardhura të subjektit deklarues si prokuror në Lezhë dhe në Tiranë 1 026 534 lekë.
Kredi në shumën 500 000 lekë. Pa shlyer 391 062 05 lekë.
Pasuria e deklaruar nga vëllai
Garazh 15.50 m2 me vlerë 5 000 euro.
Ap 112.98 m2 me vlerë 44 000 euro.
Të ardhura nga paga, 849 934 lekë.

Viti 2017
Nga paga përgjatë periudhës 01.01.2017 -31.12.2017 , në shumën 1.032.565 lekë.
Paga si pedagog jo efektiv në Fakultetin e Drejtësisë Universiteti i Tiranës, për vitin akademik 2016-2017, në shumën 37,576 lekë e derdhur në llogari në dhjetor të vitit 2017 dhe në shumën 96,024 lekë, e derdhur në llogari në mars të vitit 2016.
Kredi bankare në shumën prej prej 500.000 lekësh. Sipas kontratës kredi Bankare e datës 09.01,2015. Data e fillimit të kredisë është 13.01.2015. detyrim i pashlyer është 336,374.34 lekë.
Kontratë Overdrafti në shumën prej 200, 000 lekë

Viti 2018
Të ardhura të subjektit deklarues si prokuror në Tiranë, 1 231 498 lekë.
Të ardhura të subjektit deklarues si pedagog në një Universitet privat, 176 940 lekë.
Pagesë shërbimi nga qendra EDFAT, 680 euro.
Pagesë shërbimi si ekspert nga fondacioni Konrad Adenauer, 25 000 lekë.
Automjet Peugeot 307, me vlerë 2 000 euro.
Kredi në shumën 500 000 lekë. Pa shlyer 269 153 10 lekë.
Overdraft, 200 000 lekë./CNA.al

Dështimi i radhës i Arta Markut/ Pjetërnikaj ?ylli? që u vet?shua në operacionin antidrogë





Lajmet e fundit nga