E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Ja cilat janë zbulimet kryesore aksidentale që e ndryshuan botën

15 Mars 2021, 08:42, Blog CNA

Cilido që është i interesuar mbi shkencën, e di se për të pasur rezultate duhen eksperimente të ndërtuara me kujdes. Dhe interesant është fakti që30-50 për qinde të gjitha zbulimeve shkencore ndodhin aksidentalisht. Ja cilat janë ato më kryesoret, që ndryshuan botën.

Viti 1827 -Shkrepësja

Kimistit anglez Xhon Uoker i pëlqente të eksperimentonte me kimikate të ndryshme në laboratorin e tij. Ai përziente grupe të ndryshme për të parë si reagoin ata me njëri-tjetrin. Shpikja e tij e fundit ishte një përzierje e sulfurit të antimonit dhe kloratit të kaliumit.
Ajo ishte një përzierje shumë ngjitëse që mbulonte fundin e shkopit të tij përzierës. Kur u përpoq ta hiqte duke e fërkuar diku, ajo shpërtheu në flakë, gjë që e habiti kimistin. Ai
sapo kishte shpikur shkrepësen e parë në botë.

Viti 1878 – Sakarina

Kimisti rus, Konstandin Faglberg, ishte duke punuar në Universitetin Xhon Hopkins në SHBA me analizimin e vetive kimike të katranit të qymyrit. Një ditë ai harroi të lante duart, dhe teksa po hante bukë vuri re se ajo kishte një shije ?të ëmbël të jashtëzakonshme?. Falberg kishte zbuluar rastësisht sakarinën, që është 300-400 herë më e ëmbël se sheqeri.

Viti 1886 – Coca Cola

Biokimisti amerikan Xhon Pemberton, pësoi një plagë gati fatale gjatëLuftës Civile Amerikane. Ajo i shkakonte dhimbje të vazhdueshme, ndaj ai u bëi ndërvarur nga morfina. Pemberton kishte eksperimentuar për vite me radhë, duke u përpjekur të krijonte një qetësues alternativ, për të shpëtuar nga varësia e tij. Ai krijoi një lidhje shurupi me gjethet e kokas dhe arra kola. Aksidentalisht ndihmësi i tij e përzjeu shurupin me ujë të gazuar, dhe kështu lindi versioni i parë i Coca-Cola.

Viti 1895 – Rrezet X

Në vitin 1895, fizikani gjerman Vilhelm Rëntgen po eksperimentonte me tubat me rreze katolike, kur vuri re një fosforeshencë të çuditshme tek një ekran aty pranë kur dhoma
ishte errësuar. Ai nuk donte që ai shkëlqim të prishte eksperimentin e tij, ndaj u përpoq të bllokonte rrezet, por asgjë nuk funksionoi. Pastaj, kur dora e tij kaloi nëpër tub, ai pa kockat që shfaqeshin në ekran. Shkencëtari kishte shpikur rrezet X.

Viti 1896 -Radioaktiviteti

Shkencëtari francez Henri Bekerel kishte dëgjuar për zbulimin e fundit të rrezeve X nga Rëntgen, dhe donte të vazhdonte më tej studimin e fosforeshencës. Ai besonte se kristalet
e uraniumit ishin të afta të thithnin rrezet e diellit dhe të prodhonin një imazh.
Ai e vërtetoi këtë gjatë kohës me diell. Pastaj kur u vrenjt, i vendosi pjatat dhe kristalet në një sirtar të errët. Kur u kthye, imazhi në pllaka ishte jashtëzakonisht i qartë. Bekerel kishte zbuluar rastësisht se uraniumi lëshon radioaktivitet .

Viti 1928 – Penicilina

Ndoshta më e famshme nga të gjitha zbulimet aksidentale është penicilina. Në vitin 1928, biologu skocez Aleksandër Fleming la një pjatë laboratorike hapur mbi një tryezë pune për një javë gjatë kohës që ishte me pushime. Kur u kthye vuri re se në të ishte rritur një myk i gjelbër në blu. Ai i kishte ngrënë bakteret në pjatë. Nëse Fleming do ta kishte hedhur pjatën në kosh, ne mund të mos kishim sot antibiotikun e fuqishëm penicilinë, pararendës
i mjekësisë moderne.

Viti 1945 – Mikrovalët

Në vitin 1945, inxhinieri amerikan Persi Spenser po punonte mbi një kompani radarësh. Radarët funksionojnë duke rrezatuar nga një antenë energji elektromagnetike në hapësirë.
Ato skanojnë një zonë dhe kthehen pas nëse përplasen mbi një objekt.
Spenser ishte duke punuar me një tub magnetron, që mund të emetonte valë energjie shumë të gjata. Kur po kalonte tubin, ai vuri re se një çokollatë në xhepin e tij ishte shkrirë në mënyrë misterioze. Kjo ia zgjoi kureshtjen. Ai ishte fillimi i teknologjisë së furrave me mikrovalë.

Viti 1956 – Pacemaker

Inxhinierit dhe shpikësit amerikan Uillson Gretbat, i pëlqente të eksperimentonte me elektronikën. I ndihmuar nga gruaja e tij Eleonor, ai ishte veçanërisht i interesuar të shpikte një makinë të re që regjistronte rrahjet e zemrës së njeriut.
Kjo do t?i ndihmonte mjekët të diagnostikonin njerëzit që kishin rrahje të shpejta apo të parregullta të zemrës. Por ndërsa po ndërtonte makinerinë, ai montoi aksidentalisht pjesën e gabuar. Dhe në vend të regjistrimit të rrahjeve, makina lëshoi një impuls elektrik të vetin. Greatbat e kuptoi domethënien e asaj që sapo kishte ndodhur. Ai kishte prodhuar Pacemaker, stimuluesin e parë kardiak.

Viti 1996 – Viagra

Në fillim të viteve 1990, po zhvilloheshin testet klinike për një ilaç për problemet kardiovaskulare. Ky ilaç supozohej se do të zgjeronte enët e gjakut në zemër. Testet
shkuan mirë dhe nuk pati efekte anësore, por një infermiere vuri re diçka të veçantë.
Shumë nga burrat do të shtriheshin në bark kur ajo hynte në dhomë për të kryer vëzhgimet e saj. Rezultoi që ilaçi kishte një efekt anësor interesant:zgjeronte enët e gjakut tek organet gjenitale të burrave. Ky zbulim aksidental çoi në izolimin e përbërësit aktiv dhe shpikjen e Viagrës./Përshtatur nga CNA.al