web counter
LEXO PA REKLAMA!

SHKARKO APP

App Store
Google Play

Lefteri që kaloi në çdo parti do të bëhet kryebashkiak

17 Shkurt 2021, 18:34, Politikë CNA

Deputeti Lefter Maliqi, ka folur sot për zgjedhjet parlamentare të 25 prillit, pasi është angazhuar të bëjë fushatë por ende nuk dihet se për kë parti, ndonëse disa herë ka shprehur mbështetje për opozitën.

Maliqi, i cili ka provuar të jetë në krah të çdo force politike, ka deklaruar sot gjatë një takimi me disa banorë të Lapardhasë në Berat se gjashtë muajsh pas zgjedhjeve të 25 prillit, në tetor do të zhvillohen edhe zgjedhjet lokale.

Gjithashtu deputeti ka shprehur dëshirën e madhe për të kandiduar për kryetar bashkie në Berat.

?Faktikisht unë kam qenë zëri juaj, pavarësisht se nuk kam patur mundësi për të bërë investime në këtë zonë, për shkak të opozitës që kam mbajtur dhe largimit më pas nga kryetar komune dhe çfarëdo që ka ngelur janë bërë që në atë kohë, që janë bërë investimet dhe janë lënë përgjysëm. Unë do t?iu them të gjithëve që këtë mision do ta vazhdoj.

Kur je punëtor sigurisht që ke disa pengesa se politika në përgjithësi do ushtarë të bindur, nuk do njerëz që punojnë për popullin. Dua t?ju them që javën tjetër, unë do të marr vendimin dhe në qendër të Lapardhasë do të bëj takimin me forcën politike që do të jem.

Këtë takim sot e bëra për t?ju vënë në dijeni dhe për të patur dhe mbështetjen tuaj sepse do të vazhdoj sfidën politike. Ëndrra ime sigurisht ngelet dhe sfida vazhdon për të qenë drejtues vendor, pra për të qenë kryetar bashkie në të ardhmën.

Deri në shtator unë jam deputetit i Kuvendit, por do të marr një funksion politik dhe për të vazhduar zgjedhjet, të cilat do të bëhen në tetor, pra zgjedhjet lokale. Shumë shpejt do të vendos, jam dakord me të gjithë eksponentët politikë për të bërë marrëveshjen e duhur dhe besoj që do ta realizojmë.

Erdhi momenti i ndryshimit, në tetor janë të sigurta zgjedhjet lokale që do të bëhen, ndërsa më 25 prill janë zgjedhjet e përgjithshme, së bashku do vendosim. Sot ka ardhur koha e kandidatëve dhe e njeriut, unë do të mbështes ata kandidatë që i kam në krah dhe i kam miq?, deklaron Maliqi./ CNA.al





Lajmet e fundit nga