web counter
LEXO PA REKLAMA!

SHKARKO APP

App Store
Google Play

Basha takon kryeministrin slloven/ Tregon garancitë që mori

17 Shkurt 2021, 12:05, Politikë CNA

Kreu i PD, Lulzim Basha ka takuar në Ljubljanë, kryeministrin e Sllovenisë dhe kreun e Presidencës së ardhshme të Bashkimit Europian, Janez Jan?a.

Basha bën me dije se e ka njohur kryeministrin slloven, me planin për integrimin, angazhimin për të përmbushur të gjitha detyrimet, duke nisur nga lufta pa kompromis kundër korrupsionit dhe krimit të organizuar.

Gjithashtu kryedemokrati thotë se biseduan për forcimin e bashkëpunimit ekonomik dhe për të tërhequr dhe nxitur investitorët sllovenë të investojnë në Shqipëri

?Kam kënaqësinë të ndaj me ju, se mora mbështetjen e kryeministrit Jan?a, vendi i të cilit merr në 6 muajt e ardhshëm presidencën e Bashkimit Europian, për nisjen e bisedimeve për anëtarësim në Bashkimin Europian brenda vitit. Për Shqipërinë nuk ka dhe nuk mund të ketë alternativë tjetër veç integrimit në Bashkimin Europian. Dhe për këtë, Partia Demokratike dhe unë jemi të vendosur të ndërmarrim çdo vendim dhe hap të nevojshëm. Ramë dakort të koordinojmë veprimet dhe vendimet tona për ta përshpejtuar rrugën europiane të Shqipërisë si interesi më i madh i çdo shqiptari, si destinacioni ynë i vetëm. Kryeministri Jan?a më garantoi se Sllovenia do të jetë avokate e fuqishme e Shqipërisë në procesin e anëtarësimit në Bashkimin Europian. Po kështu, ne biseduam për forcimin e bashkëpunimit ekonomik dhe për të tërhequr dhe nxitur investitorët sllovenë të investojnë në Shqipëri, çka do të ndihmojë për punësimin e mirëqenien e qytetarëve tanë. Ju faleminderit?, shkruan Basha./CNA.al





Lajmet e fundit nga