web counter
LEXO PA REKLAMA!

SHKARKO APP

App Store
Google Play

“Të shpëtojmë Tiranën nga Ndragheta”/ Këlliçi: Rama dhe Veliaj po vjedhin shqiptarët

16 Shkurt 2021, 19:52, Politikë CNA

Kreu i FRPD Belind Këlliçi ka zhvilluar ditën e sotme një takim me banorët e zonës së Astirit, ku kanë diskutuar për problematika të ndryshme që qytetarët hasin çdo ditë.

Përmes një postimi, ku ka ndarë edhe disa foto, Këlliçi shprehet se propaganda që shfaqet çdo ditë në ekranet televizive nuk është e njëjta me realitetin që haset në çdo hap që hedh.

Kreu i FRPD ka akuzuar kryeministrin Edi Rama dhe kryebashkiakun Erion Veliaj si hajdutët më të mëdhenj në vend , duke theksuar se kanë firmosur vjedhjen e radhës me projektin e Unazës së Re.

?Kemi shkelur çdo rrugë e rrugicë. Njohim çdo pëllëmbë tokë dhe të gjitha problematikat. Çka nuk pasqyrohet në ekranet televizive, gjendet në terren. Banorët janë dëftuesit më të mirë të realitetit. E vërteta qëndron me ta.

Ekipi i Grupseksionit 2 të PD, në zonën e Astirit qëndroi i pandarë me banorët në vijën e parë të protestave kundër abuzimeve me projektin e Unazës së Re.

E papranueshme që 1 km rrugë të kushtojë 24 milionë euro! Kjo nuk është papërgjegjshmëri! Kjo është vjedhje! Edi Rama dhe Erion Veliaj janë autorët. Ata nuk kanë ikur në drejtim të paditur. Janë në qendër të Tiranës duke firmosur vjedhjet e radhës.

Ne do t’i largojmë me votë për t’ua kthyer Tiranën banorëve të saj! Më 25 prill të bëhemi bashkë për të shpëtuar Tiranën nga plaçkitja dhe Ndragheta?, shkruan Këlliçi./CNA.al





Lajmet e fundit nga