web counter
LEXO PA REKLAMA!

SHKARKO APP

App Store
Google Play

Basha zotohet/ “Nëse nuk përmbush angazhimet nuk kërkoj mandat tjetër”

16 Shkurt 2021, 15:47, Politikë CNA

Kreu i Partisë Demokratike Lulzim Basha shprehet se ka ardhur koha që Edi Rama të largohet.

Përmes një video-mesazhi në rrjetin social Facebook, Basha shprehet se në 8 vite Rama pati vetëm dështime dhe premtime boshe, dhe tani vjen sërish me premtime të tjera boshe për 25 prillin.

Për këtë arsye, Basha deklaron se PD ka plane serioze dhe të zbatueshme për vendin, dhe nëse nuk i përmbush angazhimet, kjo parti nuk do të kërkojë mandat tjetër.

Video-mesazhi i Bashës:

Të dashur miq, 8 vjet premtime të pambajtura, 8 vjet dështime.

Shqipëria ka mbetur në vend numëro.

Familjet tuaja kanë ngecur në baltë, për shkak të dështimeve të Ramës. Asnjë premtim nuk ka mbajtur! Dhe tani, vjen me premtime të tjera, boshe.

Një kryeministër që nuk mban premtimet e tij duhet të largohet.

Ne kemi plane serioze dhe të zbatueshme për vendin. Angazhime të cilat do të nisim t?i zbatojmë prej ditës së parë.

Dhe angazhimi ynë i parë është: Nëse nuk i përmbushim angazhimet tona ndaj jush, nuk do të kërkojmë një mandat tjetër.

Ka ardhur koha të bashkohemi të gjithë, për të ndryshuar Shqipërinë. Ka ardhur koha ta largojmë Edi Ramën!

Ta marrim Shqipërinë në duart tona dhe të bëjmë realitet shpresat dhe pritshmëritë e çdo shqiptari./CNA.al





Lajmet e fundit nga