E fundit!

20:52 Politikë

Qëndrimet ndaj Tahir Sinanit dhe UÇK-së/ PD: Akt antishqiptar i orkestruar nga Rama

Partia Demokratike ka reaguar sot lidhur me qëndrimet e kr...

“Mustafa fosile komunizmi”/ Kreshnik Spahiu: Kurti u ndihmua nga SHBA

15 Shkurt 2021, 21:01, Politikë CNA

Ish-kryetari i Aleancës Kuq e Zi, Kreshnik Spahiu, e cilësoi Albin Kurtin si një fenomen dhe jo si individ.

Ai deklaroi se Kurti bën diferencë nga formimi si intelektual, ndërsa për Isa Mustafën pretendon se është një fosile e mbetur nga komunizmi.

?Albin Kurti duhet konsideruar dhe analizuar si një fenomen, jo si individ. Ajo që ka ndodhur aty tregon që edhe pse ne e kemi ndërtuar shtetin 100 vite para kjo tregon që me procesin e zgjedhjeve ne jemi 100 vite mbrapa. Unë dua të them tri gjëra.

E para i njoh personalisht liderët politikë dhe Kurti bën diferencë nga formimi i tij si intelektual, duke e krahasur me Isa Mustafën që është një fosile e mbetur nga komunizmi, është shumë para. Me të gjithë.

E dyta, unë kam përjetuar këtu në Berlin diçka si të ishte 20 vite më parë. Dhjetëra autobusë që lëviznin, qindra charter që sikur po shkonin në luftë për të çliruar Kosovën jo sikur shkonin për të votuar. 70 mijë nga aplikimet online dhe 30 mijë që zbarkuan në Kosovë?, u shpreh ai në emisionin ?Open?.

Spahiu tha fitorja e tij për zgjedhjet në Kosovë erdhi nga një projekt ndërkombëtar, pasi sipas tij, këta të fundit i kanë pastruar fushën.

?E treta, e ndryshoi Establishmentin vota e shqiptarëve apo pati rrethana të tjera politike? Unë mendon që pati dhe rrethana të tjera. Nëse në Shqipëri do vinte një avion nga Haga dhe do arrestonte liderët politikë, çfarë do thoshim ne? E ndryshoi vota apo prangat? Unë mendoj që Albin Kurtit iu pastrua fusha. Haradinaj mori goditje të fortë nga Haga dhe u detyrua të iki.

Zgjedhjet në SHBA favorizuan fitoren e Kurtit. Nëse do arrestohet sot Meta do e njohi LSI rezultatin e votave? Jo. Ata e kanë traditë që ta njohin rerzultatin, është pjekuri si një popull europian jo ballkanik. Kurti edhe me hijen e tij fitoi, se emrin ja hoqi gjykata. Pa prangat e ndërkombëtarëve nuk do ishte kjo fitore e thellë, edhe pa votat e emigrantëve?, theksoi ish-kryetari i Aleancës Kuq e Zi./ CNA.al