web counter
LEXO PA REKLAMA!

SHKARKO APP

App Store
Google Play

E fundit!

x

Murrizi: Burgu i Fushë-Krujës, trampolinë për të dalë jashtë

15 Shkurt 2021, 18:34, Politikë CNA

Deputeti Myslim Murrizi ka qenë i ashpër ditën e sotme në Parlament, ku ka folur për arrestimin e gjyqtares Enkelejda Hoxha.

Murrizi i drejtoi disa pyetje ministres së Drejtësisë Etilda Gjonaj, ndërsa ka treguar rastin e një 75-vjeçari që ka transferuar nga Rrogozhina në Durrës.

Ai e cilësoi burgun e Fushë-Krujës si një trampolinë për të dalë jashtë.

?Shumë mirë bëtë që arrestuan Enkeleida Hoxhën. Unë kam një pyetje për ministren e Drejtësisë. Kush ja çon kësaj gjyqtareje të burgosurit me burgim të përjetshëm dhe me 25 vjet në burgun e Fushë Krujës, që është bërë si trampolin për të dalë përjashta? Kush ja çon? Kush i bën transferimet? Çfarë vendos apeli për vendimet e kësaj gjyqtareje. Pse e ka shkarkuar KLGJ pas kërkesës së kësaj ministreje? Apeli ka lënë në fuqi vendimin e saj! Më thoni kush ka tagër për të transferuar një të burgosur?

Ju jeni deputetë, ndoshta ju kanë trokitur në derë hallexhinj. Më është dashur të merrem 3 muaj me një 75-vjeçar nga Durrësi për ta transferuar nga Rrogozhina në Durrës, sepse nuk kishte njeri në shtëpi.  Si shkojnë këta të gjithë si zogj, si kinga të gjithë në burgun e Fushë Krujës?

Burgu i Peqinit a është burgu i sigurisë së lartë. 313 pse nuk i mbani këtu? Pra ju i çoni për lëndë të parë, sepse i keni kurdisur zinxhirin e tollovisë së marrjes së parave, deri tek grupi armiqsor i Enkelejdës?, tha Murrizi./ CNA.al





Lajmet e fundit nga