E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

“Qeveria ra për një deputet”/ Kikia: E duam Shqipërinë si Kosova

15 Shkurt 2021, 13:43, Politikë CNA

Gazetari Mentor Kikia ka reaguar pas procesit zgjedhor në Kosovë ndërsa thekson se e duam Shqipërinë si Kosova.

Sipas Kikisë, në Kosovë mban erë stabilitet dhe erë demokraci ndërsa ne vazhdojmë të mos jemi në gjendje të bëjmë një proces zgjedhor normal.

Ai thekson mes të tjerash se 30 vjet rresht, një kastë politike nuk mendoi asnjëherë përtej zgjedhjeve të ardhëshme, duke menduar vetëm për mbajtjen apo marrjen e pushtetit.

?E duam Shqipërinë, të paktën, si Kosova! Qeveria ra për një deputet! Zgjedhjet e parakohshme u caktuan shpejt! Fushata zgjati vetëm 10 ditë. U votua qetësisht! Erdhën lumë votuesisht edhe nga jashtë. Erdhën kuti me dhjetra mijëra vota me postë. Votuan edhe ata që janë të karantinuar në shtëpi. Ekipe të posaçme shkuan shtëpi më shtëpi, me kuti në dorë. Votat u numëruan dhe brenda 24 orësh dihet fituesi. Humbësit uruan fituesin. Paraprakisht, zgjedhësit e dinin kush do të ishte kryeministri e kush presidenti.

Mban erë stabilitet dhe erë demokraci në Kosovë.
Ndërsa ne? ndërsa ne vazhdojmë të mos jemi në gjendje të bëjmë një proces zgjedhor normal. Katër vjet plot, për të bërë një kod të ri, dhe në fund një abasadore e huaj i mori prej veshi të gjithë, i uli në një zyrë të firmosin një letër, pa e lexuar, të cilën e grisën që të nesërmen.
30 vjet rresht, një kastë politikanësh, nuk bënë asgjë për të instaluar një shtet funksional dhe një sistem demokratik. Përkundrazi, kushdo që erdhi në pushtet, punoi fort për të mbledhur pushtet për vete dhe eskortën e sipërmarrësve që u shërben për të pastruar paratë e korrupsionit.
30 vjet rresht, një kastë politike nuk mendoi asnjëherë përtej zgjedhjeve të ardhëshme, duke menduar vetëm për mbajtjen apo marrjen e pushtetit.
30 vjet rresht, kjo klasë politike shkatërroi me një vullnet të çditshëm çdo mundësi shtetformuese, duke ecuar me zell drejt parimeve komuniste për të njehsuar shtetin me partinë.

Ndaj sot, ne duhet të jemë krenarë që një shtet i ri shqiptar si Kosova, arrin të prodhojë një proces zgjedhor model.
Po sot, ne duhet të ndjehemi të dëshpëruar që një shtet si ky yni nuk ka asnjë dëshirë për ta bërë këtë që bëri Kosova.
30 vjet më parë, kur Kosova ishte nën pushtimin serb, ne thërrisnim: E duam Shëqipërinë si gjithë Europa. Ndërsa sot, mendoj se duhet të tharrasim:
Ta bëjmë, së paku, Shqipërinë si Kosova?, shkruan Kikia./CNA.al