web counter
LEXO PA REKLAMA!

SHKARKO APP

App Store
Google Play

“PD-LSI të heqin dorë nga bojkoti”/ Balla: Zgjedhjet në Kosovë, një mesazh demokratik për Shqipërinë

15 Shkurt 2021, 09:29, Politikë CNA

Kreu i grupit parlamentar të PS Taulant Balla ka folur për media pas përfundimit të mbledhjes me drejtuesit e qarqeve, ku ka treguar edhe detaje mbi atë se ccfarë u diskutua brenda.

Balla tha se fokusi ishte tek zgjedhjet në Kosovë dhe implementimi i atij procesi demokratik edhe në Shqipëri. Duke uruar Lëvizjen Vetëvendosje, Balla tha se është i gatshëm të bashkëpunoj me qeverinë e re për integrimin e dy vendeve në BE.

Në një mesazh drejtuar edhe politikës në vendin tonë, Balla tha se uron që pas 25 prillit edhe në Shqipëri humbësi të njohë rezultatin, ku ka thumbuar PD-LSI që të heqin dorë nga bojkoti dhe të respektojnë votën e popullit.

?Kemi diskutuar mbi zgjedhjet në Kosovë dhe kontastojmë me kënaqësi që këto zgjedhje shkuan shumë mirë. I përgëzoj për stadin e zgjedhjeve dhe uroj Vetëvendosjen dhe Albin Kurtin dhe mezi presim të punojmë me qeverinë e re për integrimin në BE të Shqipërisë dhe Kosovës.

Ne jemi motër e vëlla dhe marrim nga njëri tj mësime dhe eksperienca.

Mesazhi është që të gjitha partitë të pranojnë rezultatin dhe urojmë që edhe pas 25 prillit të pranohet rezultati dhe të heqin dorë nga bojkotet dhe të respektojnë votën e popullit.

Ne respektojmë afatet e vendosura nga Kodi Zgjedhor. PS ka vetëm një aleat që janë njerzit e thjeshtë dhe në funksion të kësaj aleance krijuam platformën Deputeti që duam, ku morëm shumë energji nga të rinj e të reja në fusha të ndryshme. Në listat e PS do keni vajza e djem që kanë jetuar jashtë Shqipërisë dhe të japin kontributin e tyre. KQZ të mundësojë domosdoshmërisht votën e shqiptarëve jashtë vendit. Është e pafalshme që PD LSI ta pengojnë këtë gjë?, tha Balla./CNA.al





Lajmet e fundit nga