web counter
LEXO PA REKLAMA!

SHKARKO APP

App Store
Google Play

Pse Ilir Meta ka frikë të japë dorëheqjen si president?

15 Shkurt 2021, 10:45, Politikë CNA

Ilir Meta, presidenti i zgjedhur nga Rilindja, ka filluar fushatën elektorale si të ishte kryetari i ndonjë partie në garë, megjithëse formalisht në krye të LSI ka lënë bashkëshorten.

Meta ka deklaruar se në 25 prill ka referendum dhe ai po bën gjithçka për këtë qëllim. Në fakt në 25 prill ka zgjedhje parlamentare ku garon partia e Metës dhe opozita e përçarë, kundër Edi Ramës.

Meta ka filluar del në fushatë e takon fshehur njerëz, shpërndan dekorata dhe gjithçka në funksion të zgjedhjeve të pritshme, por këto i bën të gjitha si president dhe jo si kryetar partie.

Ky ?luftëtar? që pretendon se ka popullin nga pas nuk ka kurajo të lejë postin e presidentit dhe të dalë në terren përballë Ramës apo të udhëheqë vërtet opozitën, e cila me Bashën dhe Kryemadhin duket që si kanë punët hiç mirë.

Iliri përpiqet që mesazhin dhe punët e tij t?i bëjë nga karigia e presidentit, dhe nuk shqitet dot nga ajo.

E në rast se është kaq burrë e me kaq moral politik, pse Ilir Meta nuk e jep dorëheqjen dhe të udhëheqë një opozitë të bashkuar? Dy janë përgjigjet, ose e di që nuk fiton, ose nuk rri dot pa karrige.

Duke e lëne karrigen e të dalë në terren, Meta do ngrinte më shumë shpresat e njerëzve të LSI që po e braktisin partinë e tij dhe po shkojnë të gjithë sa tek Rama aq dhe tek PD.

Por Iliri më shumë sesa hallin e 25 prillit ka hallin e kolltukut si president, pasi nuk mund të qendrojë dot pa pushtet. Koha që i ka ngelur nuk është e gjatë por Iliri do të jetë në krye të shtetit me shpresën se mund të rizgjidhet, qëllim në vetvete i tij për të cilin po bën edhe lojën politike.

Pra Meta, do një mandate tjetër president dhe jo fitoren e opozitës, ndryshe do ishte larguar nga karrigia të cilën nuk e lëshon dot edhe për shkak të shumë maktheve që ka nga bëmat e gjëmat e tij.

Prandaj sot nuk kemi një president që do referendum popullor, por një politikan të korruptuar në krye të shtetit që do sa më shumë pushtet./CNA.al





Lajmet e fundit nga