web counter
LEXO PA REKLAMA!

SHKARKO APP

App Store
Google Play

Moti i keq dhe ngricat/ Balluku: Të gjitha akset janë të hapura

15 Shkurt 2021, 10:02, Politikë CNA

Ministrja e Infrastrukturës Belinda Balluku ka folur nga foltorja e Kuvendit lidhur me situatën nëpër akset rrugore për shkak të ngricave.

Balluku deklaroi se gjitha akset rrugore në vend janë të hapura dhe nuk ka asnjë aks të bllokuar. Sipas ministres, shteti ka qenë në këmbë dhe në krye të detyrave gjatë kësaj situate të vështirë.

?Sot që flasim nuk kemi asnjë aks të bllokuar. Kemi qenë në kontakt të plotë me të gjithë qytetarët që kanë pasur probleme në këto akse. Kemi pasur 480 mjete një flotë e tërë e cila ka funksionuar në perfeksion. Nuk u janë kërkuar privatëve borëpastrueset por kemi bërë një koordinim të mirë. jemi mbështetur tek FA që si gjithmonë kanë pajisje më të rëndë. Shteti ka funksionuar kemi qenë në krye të punëve e kuptoj që politikës i duhet të përdorë argument për të goditur punën që bëhet janë disa raste që këto goditje janë shumë të ulëta. Dje në orën 7 të mëngjesit ka qenë piku i problematikës që kemi pasur problem me energjinë elektrike në zonat malore, Shqipëria mbështet në linja ajrore në zonat malore të cilat çdo stuhi i bën delikate. Pavarësisht kësaj situate ne kemi pasur vetëm 60 mijë abonente jashtë rrjetit të cilët dje rreth mesditës arritën në 30 mijë dhe tani janë më pak? Janë mobilizuar të gjithë, të 27 kontratat e mirëmbajtjes kanë qenë të gjitha funksionale. Kemi pasur mbi 1000 punonjës në të gjithë territorin të cilët janë kujdesur për të kaluar sa më parë këtë situatë të motit ekstrem. Ne nuk i kemi frikë as punë as sfidat nuk na ka mposhtura as tërmeti as pandemia dhe as një stuhi bore. Kjo është diçka që nuk mund të zgjasë përgjithmonë akset janë të hapura.’– tha Balluku./CNA.al





Lajmet e fundit nga