web counter
LEXO PA REKLAMA!

SHKARKO APP

App Store
Google Play

Sot vijnë 7020 vaksina të Pfizer/ Rama jep detaje për marrëveshjen me AstraZeneca

15 Shkurt 2021, 12:21, Politikë CNA

Sot do të vijnë në Shqipëri 7020 doza vaksine të Pfizer. Këtë lajm fillimisht e bëri të ditur ministrja e Shëndetësisë Ogrta Manastirliu nga foltorja e Kuvendit.

Ndërkohë që kryeministri Edi Rama, përmes një postimi në rrjetin social shkruan se këto doza janë siguruar nga kontrata e Pfizer me qeverinë shqiptare, duke shtuar se është shumë pranë sigurimit të vaksinave nga AstraZeneca.

?Sot nis me 7020 doza lëvrimi i përjavshëm i vaksinës antiCOVID nga kontrata me Pfizer dhe intensifikimi i planit të vaksinimit, ndërkohë që jemi shumë pranë sigurimit të një sasie dozash të konsiderueshme nga vaksina Astrazeneca

Aktivizohet sot skenari i parë i përfshirjes së spitaleve rajonale për përballimin e nevojës për shtrime në spital, ndërkohë që respektimi i masave kufizuese në fuqi mbetet domosdoshmëri deri në afatin e përcaktuar nga Komiteti Teknik.

Mbi 90 mijë teste të shpejta janë kryer në 54 pikat e testimit në komunitet përveç testit PCR, ndërkohë që vijon intensifikimi i  përpjekjeve në terren për të këputur hallka të zinxhirit të infektimeve.

Zotimet e atyre që thonë se vaksinat do i sigurojnë në mbledhjet e partive simotra apo që drejtojnë gishtin e akuzës ndaj qeverisë, ndërkohë që Shqipëria është një nga dy vendet e vetme në rajon që ka siguruar nisjen e vaksinimit, janë një arsye për ta neveritur politikën e futjakotësisë?, shkruan Rama./CNA.al





Lajmet e fundit nga