web counter
LEXO PA REKLAMA!

SHKARKO APP

App Store
Google Play

Rama jep lajmin e mirë/ Këtë javë nis vaksinimi në Vlorë e Shkodër, të moshuarit në plan të parë

15 Shkurt 2021, 19:00, Politikë CNA

Kryeministri Edi Rama gjatë konferencës për mediat bëri me dije se gjatë kësaj jave vaksinimi anti-Covid do të shtrihet edhe në dy qytete të tjera, përkatësisht në Vlorë dhe Shkodër.

Rama theksoi gjithashtu se këtë javë përveç bluzave të bardha, do të nisë vaksinimi edhe te më të moshuarit.

?Jemi duke pritur që sipas kontratës kompania Pfizer të na lejojë që të zbatojmë edhe marrëveshjen me atë shtetin tjetër, që solli dozat e para. Në kontratën që Pfizer bën me vendet e tjera, për çdo lëvizje të kësaj natyre duhet aprovimi i Pfizer dhe ne nuk mund të aktivizojmë këtë sasi pa aprovimin e Pfizer.

Me ardhjen e këtyre dozave sot dhe me pasjen e një qartësie për ato 40 mijë doza që janë konfirmuar, ne do fillojmë shtrirjen e vaksinimit gjatë kësaj jave në Vlorë dhe në Shkodër, dhe po ashtu hap pas hapi, në varësi nga kalendari i ministres, edhe në Elbasan, Fier.

Paralelisht me vaksinimin e mjekëve dhe bluzave të bardha, do të bëjmë edhe fillimin e vaksinimit të më të moshuarve. Kemi të gjitha arsyet të jemi të bindur se ne mund ta realizojmë objektivin e vaksinimit të plotë për 14 muaj. Është vetëm çështje konfirmimi të sasive dhe disponimi të sasive”, tha ai./CNA.al

 





Lajmet e fundit nga