web counter
LEXO PA REKLAMA!

SHKARKO APP

App Store
Google Play

E fundit!

x

Loja e Metës për mbijetesën e LSI

17 Shkurt 2021, 09:46, Politikë CNA

Lëvizja Socialiste për Integrim, partia që Ilir Meta e ngriti me shumë figura intelektuale, po shkon drejt humnerës, që kur frenat e kësaj partie i mori gruaja e tij, Monika.

Meta çdo ditë e më shumë po tregon me veprimet e tij që është zhveshur nga kostumi i presidentit dhe është hedhur në fushën e betejës, ku po bën fushatë për partinë e tij dhe çmos që ta shpëtojë nga falimenti.

Përveç se sulmon dhe akuzon qeverinë dhe kryeministrin Edi Rama, Meta ka kaluar në një tjetër nivel: Ai tani po emëron këshilltarët e tij kandidat për deputetë.

Largimet e emrave të njohur dhe me influencë, si Lefter Koka në Durrës, Nasip Naço në Berat apo edhe Gledion Rahovicës, të cilët u bashkuan me PS, ishin një goditje e madhe për patinë e Metës dhe të Monikës.

Synimi i PS është që të marrë një mandat të tretë dhe ajo do të jetë e vetme në zgjedhjet e 25 prillit, pa asnjë parti në koalicion.  Po ashtu, mazhoranca aktuale po tenton që të maksimizojë votën duke i marrë LSI emrat kyç dhe për këtë gjë Meta ka futur në lojë këshilltarët e tij.

Në nëntor të vitit që lamë pas bëri bujë lajmi i dorëheqjes së Bahri Shaqirit nga posti i këshilltarit për Sigurinë, por ai u katapultua kandidat i LSI në qytetin e Shijakut dhe në vend të tij u emërua Edmond Panariti.  Por ai nuk do të jetë i vetmi, pasi të njëjtën skemë Meta ka ndjekur dhe me Shemsi Prençin, i cili ishte këshilltar i tij për Emergjencat Civile.

Ky i fundit dikur ishte pjesë e administratës socialiste, por pasi u shkarkua nga posti i kreut të Emergjencave Civile, Meta e mori këshilltar. Por duket se dhe ai ka ndjekur gjurmët e Shaqirit, pasi do të jetë në listat e LSI po në qytetin e Durrësit.

Meta do që të kompesojë votat që pritet t?i humbasë me largimin e Lefter Kokës dhe Nasip Naços dhe po mundohet që përmes kësaj loje të ulët të mbajë në nivelin që është LSI./CNA.al





Lajmet e fundit nga