Ku ndryshon Lulzim Basha nga Albin Kurti?

17 Shkurt 2021, 13:45, Politikë CNA

Në 48 orët e fundit ajo që ka rënë në sy pas zgjedhjeve në Kosovë dhe fitores së Albin Kurtit është festa e madhe që bëjnë demokratët e Lulzim Bashës për fitoren e Albinit.

Ndoshta kanë të drejtë të festojnë, se kanë tetë vjet nuk kanë parë fitore me sy. Luli i ka çuar nga humbja në humbje dhe nga tradhtia në tradhti. Por përpara se të festojnë duhet të kuptojnë ku ndryshojnë Luli nga Albin Kurti.

Së pari, ndryshimi thelbësor është ideologjia. Albin Kurti është një i majtë, një neo-marksist që pretendon të jetë socialdemokrat, minimalisht.

Nga ana tjetër, Luli pretendon që të përfaqësojë një parti të djathtë, pro biznes dhe pro kapitalist.

Thelbësore është fakti që Albin Kurti e ndërtoi nga hiçi, e ndërtoi vetë partinë e tij. Nga një lëvizje qytetare mori 13%, pastaj 26%, mori 48% të votave, bëri lëvizjet e duhura, kurse Lulit partinë ia fali doktori dhe sa herë e ka marë dhe e ka çuar në zgjedhje e ka çuar në humbje. Albini dyshon dhe trefishon rezultatet, Luli i pakëson me nga dy-tre herë.

Nga ana tjetër, ka dhe një ndryshim tjetër mjaft thelbësor. Albini mbahet për një burrë i ndershëm, për një njeri me një pasuri modeste dhe një qytetar i thjeshtë. Kurse Luli është një miliarder i ardhur nga Holanda, me një pasuri të frikshme dhe me mjaft akuza për korrupsion.

Albin Kurti nga njëra anë është njeriu anti sistem, i cili ?luftoi? kundër komandatëve të UÇK, kundër LDK-së së Rrugovës, tashmë të katandisur në partinë e vogël të Isa Mustafës. Kurse Lulzim Basha nuk ka luftuar kundër askujt, Edi Ramën e ka pasur ortak, Ilir Metën e ka pasur dje në qeveri, pastaj në opozitë dhe sot e ka sërish në krah në opozitë.

Këto janë disa nga ndryshimet thelbësore midis Albin Kurtit dhe Lulzim Bashës pa folur për të tjera pastaj, se ato janë çështje morale si puna e gënjeshtarit, paaftësia është një problem i pashërueshëm tek Luli e të tjera si këto.

Lulin e drejton kunati dhe bizneset dhjetra milionë euro të familjes, Albinit s?ia di njeri a ekzistojnë. Lulzim Basha e sheh veten antisistem, por në fakt ka 16 vite në pushtet. Albini nuk e lanë veçse disa muaj. Luli ka firmosur marrvëshjen e detit për t?i falur ujra territoriale Greqisë, Albini ka luftuar për çdo pëllëmbë të Kosovës.

Janë thjesht të pakrahasueshëm. Ndoshta Luli duhet të heshtë si Rama e Meta, që ashtu si Basha ishin humbës përballë Albinit në Kosovë./CNA.al