web counter
LEXO PA REKLAMA!

SHKARKO APP

App Store
Google Play

Trafikimi i lëndëve narkotike/ Shqipëria dhe Italia intensifikojnë bashkëpunimin

16 Shkurt 2021, 20:52, Aktualitet CNA

Ditën e martë, kreu i Policisë italiane, Franco Gabrielli, ka pritur homologun e tij shqiptar, Ardi Veliu në ambientet e Ministrisë së Brendshme,  për mbledhjen e parë të tryezës teknike të përhershme në kuadër të Deklaratës së Mirëkuptimit të firmosur nga dy palët në dhjetorin e shkuar.

Qëllimi i këtyre takimeve, të cilat do të zhvillohen çdo gjashtë muaj, janë aktivitetet e përbashkëta me karakter teknik dhe operativ si dhe adresimi i çështjeve strategjike me qëllim përmbushjen e objektivave të përbashkëta.

Ditën e sotme, dy homologët nënshkruan një protokoll të ri operativ që do të zëvendësojë atë të vitit 2012; i cili ka për qëllim kryerjen e shërbimeve të mbikëqyrjes ajrore në territorin shqiptar, me bashkëpunimin e Guardia di Finanza për evidentimin dhe shkatërrimin e të mbjellave me kanabis dhe shërbimet e mbikëqyrjes detare për të luftuar trafikun e paligjshëm.

Në takim ishin të pranishëm edhe Ambasadori italian në Shqipëri, Fabrizzio Bucci dhe Ambasadorja shqiptare në Itali, Anila Bitri, si dhe zv-ministri i Brendshëm Julian Hodaj.

Temat kryesore që janë diskutuar gjatë takimit janë lufta kundër krimit të organizuar dhe korrupsionit, si dhe emigracioni i jashtëligjshëm.

Ndër të  tjera, autoritetet kanë përshkruar me nota pozitive disa prej rezultateve të arritura në terren në sajë të bashkëpunimit, si për shembull operacionet ajrore në territorin shqiptar në 5-vjeçarin e fundit dhe kanë theksuar se ka pasur një rënie të ndjeshme të konfiskimit të kanabisit që vinte nga Shqipëria.

Sipas autoriteteve, takimi i sotëm është hapi i parë drejt ?rritjes së mëtejshme të bashkëpunimit? përmes përcaktimit të marrëveshjeve që synojnë rritjen e komunikimit midis departamenteve dhe strukturave operacionale të dy shteteve./CNA.al





Lajmet e fundit nga