web counter
LEXO PA REKLAMA!

SHKARKO APP

App Store
Google Play

E fundit!

x

Bllokimi i rrugëve nga dëbora/ Haki Çako: Asnjë bashki nuk ka kapacitete për mirëmbajtje

16 Shkurt 2021, 20:46, Aktualitet CNA

Reshjet e borës kanë pushuar, por shumë zona rurale vazhdojnë të jenë të bllokuara. Në qarkun e Korçës, edhe pse rrugët nacionale janë të kalueshme, problematike janë rrugët që lidhin fshatrat me njësitë administrative.

Edhe rruga që lidh Librazhdin me Peshkopinë është e mbuluar nga bora dhe kalohet vetëm me zinxhirë. Edhe zonat e thella në qarkun e Shkodrës kanë hasur probleme me reshjet e borës.

Përpos Thethit, i cili vijon prej kohësh të jetë i bllokuar, zona të tjera që kanë pasur probleme janë Fushë Arrëzi dhe Vermoshi. Edhe në qarkun e Kukësit disa fshatra vijojnë të jenë të bllokuar si dhe në Dibër.

Haki Çako, drejtor i Agjencisë Kombëtare për Mbrojtjen Civile thotë se për mirëmbajtjen e rrugëve do të duhej të përgjigjej pushteti lokal. Por nga ana tjetër theksoi se asnjë bashki nuk ka kapacitete për ta bërë një gjë të tillë.

?Pothuajse shumica e bashkive nuk kanë siguruar kapacitetet as për situatë normale. Do të duhet të investojnë 4% të akorduar të fondit në adresë së zvogëlimit të riskut dhe mbrojtjen civile?, tha ai.

I pyetur nga gazetarja Bruna Çifliku për faktin se prej vitit 2017 në të gjithë vendin janë 1300 km rrugë me koncesion dhe për këto kompani janë paguar 150 milionë euro, sërish rrugët u bllokuan, z. Çako u përgjigj se për këtë do të duhej të mbajnë përgjegjësi.

?Kompanitë do të duhet të merren në analizë mbi reagimin e tyre. Në dijeni tonë janë marrë në analizë kompani të caktuara. Ligji ka përcaktuar edhe penalizime nëse rast se nuk i përmbahesh kontratës?, përfundoi z. Çako./CNA.al





Lajmet e fundit nga