web counter
LEXO PA REKLAMA!

SHKARKO APP

App Store
Google Play

E fundit!

x

Bllokimi i rrugëve/ Prokuroria hap procedimin e parë penal për segmentin Milot-Lezhë

16 Shkurt 2021, 18:17, Aktualitet CNA

Qindra automjete, në një varg kilometrik, u desh të qëndronin për orë të tëra nën acar të shtunën pasdite, si pasojë e bllokimit të rrugës Milot-Lezhë nga reshjet e dëborës.

Prezenca e akullit në rrugë u bë shkak edhe për aksidente të shumta, fatmirësisht pa pasoja në jetë njerëzish, por agjentët e policisë në terren konstatuan se në këtë segment rrugor, nuk ishin marrë masa paraprake edhe pse rëndimi i situatës së motit ishte paralajmëruar më herët nga sinoptikanët dhe Instituti i Gjeo-shkencës.

Me iniciativë të saj, policia e qarkut Lezhë ka kërkuar hetimin e rastit, ndërsa burime zyrtare nga Prokuroria e Lezhës konfirmuan për Euronews Albania, se është regjistruar procedimi penal për akuzën e “shpërdorimit të detyrës” ndaj kompanisë “Geci”.

Kompania private, e cila ka fituar kontratën mësohet se është përgjegjëse edhe për mirëmbajtjen e aksit Ura e Ulzës-Shkopet, ku gjithashtu për shkak të mos pastrimit të borës dhe ngricave të krijuara në këtë segment, solli paralizimin e qarkullimit të automjeteve.

Por, probleme nga reshjet e dëborës që sollën bllokim të rrugëve, që nuk ishin pastruar dhe nuk ishin hedhur kripë apo skorje, pati edhe në qarqe të tjera, por ende nuk dihet të paktën zyrtarisht, nëse ka nisur një hetim.

Prej vitit 2017, në Shqipëri ka nisur të praktikohet dhënia e mirëmbajtjes së rrugëve kompanive private dhe aktualisht rreth 1300 kilometra rrugë, kryesisht nacionale, janë nën kujdesin e kompanive private.

Prej katër vitesh, tri kompani shqiptare kanë marrë kontrata nga qeveria shqiptare ne vlerë rreth 150 milionë euro, për rikonstruksiomnin, pastrimin dhe mirëmbajtjen e rrugëve./CNA.al





Lajmet e fundit nga