web counter
LEXO PA REKLAMA!

SHKARKO APP

E fundit!

x

Akuzohet për shpërdorim detyre/ Zyrtari i lartë i Kadastrës ndiqet penalisht

16 Shkurt 2021, 15:29, Aktualitet CNA

Pas arrestimit të drejtorit të Agjencisë së Kadastrës Berat Ervin Nelaj, një tjetër zyrtar është në ndjekje penale për ?shpërdorim detyre?.

Çështja penale në ngarkim të nëndrejtorit të ASHK-së Berat, Thanas Kace është dërguar nga Prokuroria për gjykim në Gjykatën e Shkallës së Parë Berat.

Thanas Kace dhe Ervin Nelaj, i arrestuar nga SPAK për një tjetër çështje penale,janë marrë të pandehur nga Prokuroria e Beratit për veprën penale ?shpërdorim detyre?, të parashikuar nga Neni 248 i Kodit Penal.

Nga Prokuroria e Beratit bëjnë me dije se, të dy shtetasit e sipërpërmendur, në vitin 2019,në detyrën e specialistit pranë ALUIZNIT Berat, kanë lejuar në kundërshtim me ligjin legalizimin e një objekti në lagjen ?30 Vjetori?, për të cilin kishte konflikt pronësi ndërmjet dy shtetasve që pretendonin se ishin pronarë të tij dhe që ishin edhe në proces gjyqësor civil me njëri-tjetrin./CNA.al





Lajmet e fundit nga