E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Arrestimet në drejtësi e mjekësi/ Avokati: Është herët për të thënë se reforma në drejtësi po funksionon

15 Shkurt 2021, 16:15, Aktualitet CNA

Hetimet lidhur me korrupsionin në Gjykatën e Krujës kanë shtyrë SPAK-un të verifikojë edhe praktikën e transferimit të të dënuarve në burgun e Fushë-Krujës.

Dy ditë pasi iu komunikua masa e sigurisë ?arrest me burg, Këshilli i Lartë Gjyqësor njoftoi se ka vendosur të pezullojë nga detyra gjyqtaren Enkelejda Hoxhën, pasi akuzohet për korrupsion dhe shpërdorim detyre.

Avokati Boiken Bendo thotë për Euronews Albania se pavarësisht zhvillimeve është ende herët për të thënë se reforma në drejtësi ka nisur të funksionojë.

?Mendoj së është herët për të menduar nëse reforma në drejtësi po funksionon apo jo. Kjo sepse ajo kërkon vazhdimësi dhe paanshmëri. Kjo mbetet për t?u parë në vijim dhe procedimi në fjalë është në fazat fillestare, por duhet të presim përfundimin?, tha ai.

Ai thekson faktin se nisma për të vënë para përgjegjësisë këdo që shkel ligjin është hap për t?u përshëndetur. Sipas tij, veprime të tilla kontribuojnë në rritjen dhe forcimin e besimit që qytetarët duhet të kenë për sistemin e drejtësisë.

?Nisma për të vënë para përgjegjësisë këdo që shkel ligjin është një nismë, e cila duhet përshëndetur, është një nismë që i shërben forcimit të besimit të publikut ndaj organeve të drejtësisë?, tha ai.

Sa i takon rastit të arrestimit të kardiokirurgut të QSUT, Edvin Prifti, emri i të cilit doli në përgjimet e gjyqtares së Gjykatës së Krujës, Enkelejda Hoxha, avokati Bendo tha se materialet përgjuese nuk mund të klasifikohen si prova penale.

?Provat e deritanishme nga informacionet që kemi edhe përmes medias janë të mbështetura vetëm në përgjime, në fakt përgjime nuk është provë në vetvete, por përgjimet janë mjet kërkimi prove. Edhe pse shumat e parave krijojnë indicie, por mendoj se kjo lidhje në këtë rast është një lidhje artificiale?, tha ai./CNA.al