web counter
LEXO PA REKLAMA!

SHKARKO APP

App Store
Google Play

Hetimet për gjyqtaren Hoxha/ SPAK nis verifikimet për transferimet e të dënuarve

15 Shkurt 2021, 11:41, Aktualitet CNA

Pas arrestimit të gjyqtares Enkelejda Hoxha, avokatit Aldo Tabaku dhe kryesekretares së kësaj gjykate Manulea Mallkuçi, Prokuroria e Posaçme i ka shtrirë hetimet edhe në tjetër pistë.

Mësohet se hetuesit e SPAK janë duke verifikuar edhe transferimet që u janë bërë vitet e fundit të të dënuarve në burgun e Fushë-Krujës.

Gjithashtu burme nga Prokuroria e Posaçme bëjnë me dije se hetimet janë shtrirë edhe për transferime që janë bërë në disa burgje të tjera të vendit, nëse ka pasur shkelje apo jo.

Javën e kaluar me urdhër SPAK u arrestua gjyqtarja Enkeljda dhe nëntë persona të tjerë mes të cilëve, kryesekretarja Ela Mallkuçi dhe avokati Aldo Tabaku, të cilët akuzohen për korrupsion dhe shpërdorim detyre.

Ndërkohë u arrestua edhe mjeku i njohur, Edvin Prifti, pasi SPAK gjeti dhe i sekuestroi një sasi të madhe parash cash, përfshirë 250 mijë euro dhe 160 mln lekë.

Edvin Prifti doli në përgjime në kuadër të operacionit për arrestimin e gjyqtares Hoxha./CNA.al





Lajmet e fundit nga