E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

“Votimi elektronik është dështim politik”/ Drejtuesja e Koalicioneve: ODHIR do jetë në Shqipëri në 25 prill

16 Shkurt 2021, 17:33, Aktualitet CNA

Drejtuesja e Koalicioneve të Vëzhguesve Vendorë Gerta Meta u shpreh se pavarësisht se vëzhguesit e OSBE nuk ishin prezent në zgjedhjet e 14 shkurtin në Kosovë, do të jenë të pranishëm në procesin zgjedhor të 25 prillit në Shqipëri.

Por gjithsesi ajo thotë se pandemia në një farë mënyrë do të ndikojë në zgjedhjet e 25 prillit.

?Deri tani kemi patur komunikim me delegacionin e ODIHR, ata kanë ardhur këtu për të bërë vlerësim paraprak të zgjedhjeve të 25 prillit, shpresoj të jenë prezent duke qenë se e kanë bërë hapin e pare. Duke qenë se ky proçes do të ketë risi, nuk do të mbetet jashtë vëmendjes. Ky është interes edhe për partitë që të certifikohen zgjedhjet në Shqipëri. Edhe ata kanë kontribut në proceset zgjedhore.

Ky është një problem, që do ta afektojë procesin zgjedhor, ku do të pengojë vëzhguesit në aspektin e akomodimit. Për ta respektuar situatën, do të jenë zgjedhje me kujdes të vecantë, por syri i vëzhguesit do të jetë aty për të marrë informacionin dhe ta bëjmë publik, pasi qytetarët kanë të drejtë ta vëzhgojnë dhe mbrojnë votën e tyre?, u shpreh ajo.

Për drejtuesen e koalicionit të vëzhguesve vendorë, votimi elektronik ka qënë një dështim i partive politike.

?Vendimmarrja e KQZ-së ishte e vonuar. Shpresojmë që vendimmarrje të tilla të jenë investim real, pasi kanë qënë gjithmonë të dështuara. Mbase ky process elektronik do e ndihmoj vendin të ketë zgjedhje me standarde Europiane?, tha Meta.

Ndërkohë që KQZ ka publikuar 5 modele të fletëve të votimit, kryetarja e Koalicionit të Vëzhguesve Vendorë Gerta Meta thotë se ajo duhet të jetë e qartë për qytetarët ku ata të mund të votojnë si për partinë ashtu edhe për kandidatin për deputet, ndërsa thekson se fleta duhet të jetë e lehtë për tu menaxhuar.

?KQZ ka bërë të mundur që këto modele të kenë kosultim paraprak..Duhet një model i qartë dhe i aksesueshëm për qytetarët, pasi përfaqësimi i votuesve i përket kategorive të ndryshme, në arsim dhe grupmoshë. Për herë të parë, votuesit do të kenë mundësi të votojnë subjektin politik por edhe mundësi vote preferenciale duke zgjedhur brenda kësaj flete edhe kandidatin e preferuar?, deklaroi Meta.

Meta theksoi se akoma nuk është vendosur nëse do të ketë vetëm numër apo edhe emra të kandidatëve në fletën e votimit. Por sipas saj, vendosja e emrit në fletë krijon mbingarkesë./CNA.al