web counter
LEXO PA REKLAMA!

SHKARKO APP

App Store
Google Play

Basha premtoi 10 mijë euro për frymë/ Mima: Program pa afat, synojmë ta bëjmë në 2030

28 Janar 2021, 20:04, Politikë CNA

Hartuesi i programit të PD-së, Florion Mima, ka folur mbrëmjen e sotme për planin ekonomik të prezantuar sot nga opozita e Lulzim Bashës.

Mima tregoi se për të realizuar këtë program, Partisë Demokratike do t?i duhen 500 mln euro. Teksa u pyet se ku do t?i gjejë opozita këto para, ai tha se 250 mln euro do hiqen nga duart e korrupsionit dhe 250 të tjerat do të jenë plus nga rritja ekonomike e vendit.

?Të gjitha 500 mln euro i kushtojnë buxhetit këto masa. 250 mln euro është parashikimi, do të vijë nga prerja e duarve të korrupsionit dhe 250 të tjera do të jenë plus nga rritja ekonomike e vendit, rreth 5%, hap vende të reja pune, më shumë eksport dhe investime. Thesi është aty, po ju sot nuk e shihni.

Korrupsionit i hiqen nga duart këto para nëse nuk vjedh kryeministri, nuk vjedhin ministrat, drejtorët, etj. Të shkurajohet korrupsioni duke i kapur ata që fusin duart në arkën e përbashkët dhe duke i bërë shembull. Në të gjitha fushat ka platforma për uljen e korrupsionit. KLSH flet për 7.2 mld dollarë të keqpërdoruara. Këtu është një burim, te tenderat, koncesionet, PPP-të, etj?, u shpreh ai.

Ndërkohë për premtimin e Bashës për dyfishimin e të ardhurave për frymë, Mima deklaroi në Abc News se është plan pa afat, që mund të realizohet në vitin 2030.

?Po ta shikoni me kujdes paragrafin që ka folur për dyfishim të të ardhurave për frymë nuk ka afat, ai i referohet një date, që ne në materialet tona që shpejt do të publikohen.

E vetmja rrugë e realizimit është rritja ekonomike e qëndrueshme e vendit. Ne parashikojmë rritjen ekonomike nga 5-8%?, theksoi ish-deputeti./ CNA.al





Lajmet e fundit nga