web counter
LEXO PA REKLAMA!

SHKARKO APP

App Store
Google Play

Skandali/ Tre shkeljet e LSI në një foto

28 Janar 2021, 16:58, Politikë CNA

Pandemia e Covid ka ndryshuar shumë sjellje të qytetarëve, por Lëvizja Socialiste për Integrim është e vendosur mos t?iu bindet rregullave që janë marrë nga Komiteti i Ekspertëve, duke u kthyer në një bombë shëndetësore për shumë njerëz.

Partia e Metës dhe Kryemadhit po vijon me fushatën elektorale në kuadër të zgjedhjeve të 25 prillit, duke nxjerrë në faqen zyrtare edhe foto nga takimet që zhvillon, ku del në pah edhe skandalet dhe shkeljet ligjore që kjo parti po bën.

Por le të marrim me rradhë takimet që kjo parti ka zhvilluar.

Serkretari i përgjithshëm Tiranë Kevi Pojana ka mbajtur një takim me banorët e njësisë 8 në kryeqytet, ku me sy të lirë dallohet që takimi është mbajtur në një ambient të mbyllur dhe me më shumë se 10 persona dhe pa maska. Komiteti i Ekspertëve i ka ndaluar grumbullimet me më shumë se 10 persona qoftë në ambiente të hapura, qoftë në ambiente të mbyllura, por mesa duket LSI nuk do t?ia dijë për rregulla.

Pra në një ambient të mbyllur, pa maska dhe grumbull Covid bën kërdinë dhe LSI iu kushton jetën qytetarëve.

Një tjetër shkelje që evidentohet po në të njëjtën foto është se të gjithë personat që janë në tavolinë po konsumojnë duhan në ambient të mbyllur, kur edhe kjo gjë është e ndaluar me ligj.

Prej shumë kohësh, piraja e duhanit në ambiente të mbyllura është kategorikisht e ndaluar dhe për shkelësit e saj janë marrë masa administrative.

Sikur të mos mjaftonin dy shkeljet e para, një tjetër skandal është përfshirja e institucionit të Presidencës në fushatë zgjedhore. Kevi Pojana gjatë takimit në njësinë nr.8 shoqërohej nga Dritan Ylli, i cili mban postin e shefit të protokollit të presidentit.

Presidenca është vërsulur në fushatë për LSI megjithëse duhet të qëndrojë mbi palët dhe të jetë institucioni që bashkon shqiptarët. Por ky ligj është shkelur hapur dhe këshilltarët dhe stafi i Metës janë vërsulur në fushatë për LSI, e cila në zgjedhjet e 25 prillit pritet që të humbasë shumë mbështetje./CNA.al





Lajmet e fundit nga