E fundit!

08:27 Aktualitet

Helmohen sërish nga ushqimi dhjetëra kursantë të Akademisë së Sigurisë

Helmohen sërish kursantët e Akademisë së Sigurisë në Sauk....

Procesi i rindërtimit/ Rama urdhër Veliajt: Punoni me tre turne

28 Janar 2021, 16:08, Politikë CNA

Kryeministri Edi Rama ka inspektuar punimet për rindërtimin e banesave që u dëmtuan nga tërmeti i 26 nëntorit 2019 në zonën e ?5 maji? Tiranë.

Nga aty, Rama i dha urdhër kryebashkiakut të Tiranës Erion Veliaj që punimet duhet të ecin më shpejt dhe duhet të punojnë me tre turne. Kreu i qeverisë theksoi se kjo gjë është taksative si për punimet tek ?5 maji? ashtu edhe në zonën e Kombinatit.

?Gjëja që unë e kam merak është që këtu dhe në të gjitha kantieret e rindërtimit duhet të punohet me vrull. Duhet të jetë taksative. Ditën natën, me tre turne. Ajo që ne duhet të kemi shumë të qartë është se kemi bërë që pa ceduar te cilësuar të përshpejtojmë ritmin e punës.

Nuk ndryshon vetëm cilësia e jetës së atyre që do marrin shtëpi por vlera e pasurisë në të gjithë zonën. 5 Maji dhe Kombinati bëhen dy pole të reja urbane. Pasuria e këtyre njerëzve rritet vetvetiu. Rritet dhe cilësia e jetës komunitare në kryeqytet. Kjo zallamahi që ishte këtu do transformohet. T?i rrinë mbi kokë ditë natë punës. Të vënë prozhektorët dhe të punojnë me tre turne?, tha Rama.

Ndërkohë që kreu i Bashkisë Tiranë Erion Veliaj u shpreh se anomalia ishin rreshjet e shiut pasi puna ka qenë intensive dhe me turne, duke i premtuar se do të ecin para më shpejt.

“Kishim shirat anomali, tani që nuk ka shi do ecim para”, tha Veliaj.

Ministri i Rindërtimit Arben Ahmetaj tha se shumë familje janë kthyer në shtëpi përmes bonusit të qerasë, duke sulmuar edhe opozitën që sipas tij në programin ekonomik që prezantoi PD nuk kishte asnjë rrjesht për rindërtimin dhe se sipas tij duan të lënë njerëzit jashtë.

“Sot në parlament kaloi akti normativ për bonusin e qirave. Ne kemi ofruar përmes buxhetit të shtetit bonus qiraje për çdo familje që nuk është në shtëpinë e vet, Sot janë vetëm 860 familje në çadër, një numër që vjen duke u zvogëluar nga 11 mijë familje që kanë qenë në Janar të 2020.

Shumë familje janë kthyer në shtëpi dhe ato që akoma nuk janë kthyer janë akoma të sigurta që gjatë gjithë vitit do të jenë në shtëpia të reja. Asnjë fjalë sot opozita në pseudoprogramin. Asnjë rresht për rindërtimi. Që do të thotë se njerëzit që janë jashtë do mbeten jashtë”, tha Ahmetaj./CNA.al